ಪ್ರಕರಣ ನಡೆದಿದ್ದು ಹೇಗೆ?:ಖಾಸೀಂ ತನ್ನ ಮೊಬೈಲ್ ಸಂಖ್ಯೆ (7411447060)ಯ ವಾಟ್ಸ್ಆ್ಯಪ್ನಲ್ಲಿ ಡಾ.ಎಸ್.ಎಂ.ಜಿ (ಡಾ.ಸಿಮಿ ಮರಿಯಂ ಜಾರ್ಜ್) ಎಂದು ಬರೆದುಕೊಂಡಿದ್ದು, ಅದರ ಡಿ.ಪಿ.ಗೆ ಎಸ್ಪಿ ಡಾ.ಸಿಮಿ ಮರಿಯಂ ಜಾರ್ಜ್ ಅವರ ಚಿತ್ರ ಹಾಕಿದ್ದ. ಜೇವರ್ಗಿ ಠಾಣಾಧಿಕಾರಿಯಾಗಿದ್ದ ಪಿಎಸ್ಐ ಮಂಜುನಾಥ ಹೂಗಾರ ಅವರಿಗೆ ನವೆಂಬರ್ 19ರಂದು ಕರೆ ಮಾಡಿ, ‘ಇದು ಎಸ್ಪಿ ಅವರ ಖಾಸಗಿ ಮೊಬೈಲ್ ಸಂಖ್ಯೆ. ಮೇಡಂ ಅವರಿಗೆ ತುರ್ತಾಗಿ ಯಾವುದೋ ಕೆಲಸಕ್ಕೆ ಹಣ ಬೇಕಾಗಿದೆ. ಕೊಡಿ’ ಎಂದು ಕೇಳಿದ್ದ. ಇದನ್ನೇ ನಂಬಿದ ಪಿಎಸ್ಐ ಮಂಜುನಾಥ ಮೊದಲು ₹ 2.5 ಲಕ್ಷ ನಂತರ ₹ 6 ಲಕ್ಷ ಹಣವನ್ನು ಸ್ನೇಹಿತರೊಬ್ಬರ ಕೈಯಲ್ಲಿ ಕೊಟ್ಟು ಕಳುಹಿಸಿದ್ದರು.