ಸದ್ಯ (ಮಾರ್ಚ್ 24) ಜಿಲ್ಲೆಯಲ್ಲಿ ಕೋವಿಡ್–19 ಸೋಂಕಿತರು ಇಬ್ಬರು (ಮೃತಪಟ್ಟ ವ್ಯಕ್ತಿಯನ್ನೂ ಹೊರತುಪಡಿಸಿ) ಇದ್ದಾರೆ. ಮಂಗಳವಾರದ ಹೊತ್ತಿಗೆ ಒಟ್ಟು 47 ಶಂಕಿತರ ಮಾದರಿಗಳನ್ನು ಸಂಗ್ರಹಿಸಿಲಾಗಿದೆ. ಇದರಲ್ಲಿ 31 ನೆಗೆಟಿವ್ ಬಂದಿದ್ದು, ಉಳಿದವರ ವರದಿ ಬರಬೇಕು. ಜತೆಗೆ, ಪಾಸಿಟಿವ್ ಇರುವ ವ್ಯಕ್ತಿಗಳೊಂದಿಗೆ ನೇರ ಸಂಪರ್ಕಕ್ಕೆ ಬಂದವರ ಸಂಖ್ಯೆ 99ಕ್ಕೆ ಏರಿದೆ. ಆದರೆ, ಪರೋಕ್ಷ ಸಂಪರ್ಕಕ್ಕೆ ಬಂದವರ ಸಂಖ್ಯೆ ನಾಲ್ಕಂಕಿ ದಾಟಿದೆ. ಒಂದು ವೇಳೆ ಮಾರಿಯ ಪ್ರಭಾವ ಹೆಚ್ಚುತ್ತ ಸಾಗಿದರೆ ಈಗಿರುವ ಆಂಬುಲೆನ್ಸ್ಗಳು ಸಾಲುವುದಿಲ್ಲ ಎಂದೂ ಪರಿಣತರು ಈಗಾಗಲೇ ಎಚ್ಚರಿಕೆ ನೀಡಿದ್ದಾರೆ.