2011–12ರ ಶೈಕ್ಷಣಿಕ ಸಾಲಿನ ನಂತರ ಸ್ನಾತಕ ಹಾಗೂ ಸ್ನಾತಕೋತ್ತರ ಪದವಿ ಪೂರ್ಣಗೊಳಿಸದ ಪರೀಕ್ಷೆಗಳನ್ನು ನಾನ್‌ ಸಿಬಿಸಿಎಸ್‌ ಮತ್ತು ಸಿಬಿಎಸ್‌ಇ ಪಠ್ಯಕ್ರಮಗಳೆರಡನ್ನೂ ನಿಯಮಾನುಸಾರ ಅಳವಡಿಸಿಕೊಂಡು ನಡೆಸಲಾಗುವುದು. ಅದಲ್ಲದೇ, ಸೆಪ್ಟೆಂಬರ್, ಅಕ್ಟೋಬರ್ 2022ರಲ್ಲಿ ಜರುಗುವ ಪರೀಕ್ಷೆಗಳಲ್ಲಿ ಪದವಿ ಕೋರ್ಸಿನ ದ್ವಿತೀಯ, ನಾಲ್ಕನೇ ಹಾಗೂ ಆರನೇ ಸೆಮಿಸ್ಟರ್ ಪರೀಕ್ಷೆ ಮತ್ತು ಸ್ನಾತಕೋತ್ತರ ಕೋರ್ಸಿನ ದ್ವಿತೀಯ ಹಾಗೂ ನಾಲ್ಕನೇ ಸೆಮಿಸ್ಟರ್ ಪರೀಕ್ಷೆಗಳಿಗೆ ಹಾಜರಾಗಲು ಅವಕಾಶ ನೀಡಲಾಗುವುದು. ಪರೀಕ್ಷೆ ಶುಲ್ಕ ಪಾವತಿಗೆ ಹಾಗೂ ಮಾಹಿತಿಗಾಗಿ ವಿಶ್ವವಿದ್ಯಾಲಯದ ವೆಬ್‌ಸೈಟ್ https://gug.ac.in ಸಂಪರ್ಕಿಸಬಹುದು ಎಂದು ಮೌಲ್ಯಮಾಪನ ಕುಲಸಚಿವರ ಪ್ರಕಟಣೆ ತಿಳಿಸಿದೆ.
