ವಾಡಿ| ಬೈಕ್‌ಗಳ ಡಿಕ್ಕಿ; ನಾಲ್ವರ ಸಾವು

ಲಾಡ್ಲಾಪುರ ಗ್ರಾಮದ ಸಹೋದರರಾದ ಬಸಪ್ಪ ಗಂಜಿ (32), ಮರೆಪ್ಪ ಗಂಜಿ (50) ಸ್ಥಳದಲ್ಲಿಯೇ ಮೃತಪಟ್ಟಿದ್ದು, ಮತ್ತೊಬ್ಬ ಸಹೋದರ ಹಣಮಂತ ಗಂಜಿ ಗಂಭೀರ ಗಾಯಗೊಂಡಿದ್ದಾರೆ. ಅಲ್ಲೂರು ಗ್ರಾಮದ ದೇವೇಂದ್ರ ಬೋಗೊಣಿ (55) ಹಾಗೂ ಮಲ್ಲಪ್ಪ ದೇಸಿ (35) ಸ್ಥಳದಲ್ಲಿಯೇ ಮೃತಪಟ್ಟಿದ್ದು, ಕಾಶಿನಾಥ ದೇವೇಂದ್ರ ಬೋಗೊಣಿ ಎಂಬುವವರಿಗೆ ಗಂಭೀರ ಗಾಯಗಳಾಗಿವೆ.

ಡಿಕ್ಕಿಯ ರಭಸಕ್ಕೆ ಎರಡು ಬೈಕ್‌ಗಳು ನಜ್ಜುಗುಜ್ಜಾಗಿವೆ. ಅಪಘಾತದಿಂದ ಒಂದು ಗಂಟೆ ಕಾಲ ಕಿಲೋಮಿಟರ್ ಗಟ್ಟಲೇ ವಾಹನಗಳು ನಿಂತ ಪರಿಣಾಮ ಸಂಚಾರದಲ್ಲಿ ವ್ಯತ್ಯಯ ಉಂಟಾಗಿತ್ತು.

ಲಾಡ್ಲಾಪುರ ಗ್ರಾಮದ ಮೂವರು ಸಹೋದರರು ಬೆಂಗಳೂರಿನಲ್ಲಿ ಗಾರೆ ಕೆಲಸ ಮಾಡುತ್ತಿದ್ದು, ಈಚೆಗೆ ತಮ್ಮ ತಂದೆಯ ಅಂತ್ಯಸಂಸ್ಕಾರಕ್ಕೆಂದು ಗ್ರಾಮಕ್ಕೆ ಬಂದಿದ್ದರು. ಗಾಯಾಳುಗಳನ್ನು ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಲಾಗಿದೆ.