ಶಿಕ್ಷಕರು, ವಿವಿಧ ಇಲಾಖೆಗಳ ಅಧಿಕಾರಿಗಳೇ ಹೆಚ್ಚಾಗಿದ್ದ ಪ್ರಯಾಣಿಕರನ್ನು ಹೊತ್ತು ಬರುತ್ತಿದ್ದ ಬಸ್ ಮಾರ್ಗ ಮಧ್ಯೆ ನಿಂತಿದ್ದರಿಂದ ಪ್ರಯಾಣಿಕರು ಅಲ್ಲಿಯೇ ನಿಂತು ಬೇರೆ ಬಸ್ ಬಂದ ಮೇಲೆ ಅದರಲ್ಲಿ ಹತ್ತಿ ಪ್ರಯಾಣಿಕರು ಪ್ರಯಾಣ ಮಾಡಿದರು. ಡೀಸೆಲ್ ಖಾಲಿಯಾಗಿರುವುದೇ ಇದಕ್ಕೆ ಕಾರಣ ಎಂದು ಚಾಲಕ ಮತ್ತು ನಿರ್ವಾಹಕರು ತಮಗೆ ತಿಳಿಸಿದ್ದರಿಂದ ತಾವು ಬೇರೆ ಬಸ್ಸಿಗಾಗಿ ಕಾಯ್ದು ಬೇರೆ ಬಸ್ ಬಂದ ಮೇಲೆ ಪ್ರಯಾಣ ನಡೆಸಿರುವುದಾಗಿ ಪ್ರಯಾಣಿಕರೊಬ್ಬರು ಪ್ರಜಾವಾಣಿಗೆ ತಿಳಿಸಿದರು.