ಕಳೆದ ವರ್ಷಕ್ಕೆ ಹೋಲಿಸಿದರೆ ಪ್ರಸಕ್ತ ವರ್ಷ ಹಬ್ಬದ ಸಂಭ್ರಮ ಅಷ್ಟಾಗಿಲ್ಲ ಎಂದು ಕಬ್ಬು ಮತ್ತು ಬಾಳೆ ದಿಂಡು ಮಾರಾಟ ಮಾಡುತ್ತಿದ್ದ ಸಿದ್ದು ಸ್ವಾಮಿ ತಿಳಿಸಿದರು. ₹10ಕ್ಕೆ ಒಂದರಂತೆ 5 ದಂಟು ಕಬ್ಬು, 5 ಬಾಳೆ ದಿಂಡು ₹100ಕ್ಕೆ ಮಾರಾಟ ಮಾಡುತ್ತಿದ್ದೇವೆ ಎಂದರು. ಹೂವಿನ ದರ ಕೆಜಿಗೆ ₹180. ಕೆಲವರು ಅರ್ಧ ಕೆ.ಜಿ, ಇನ್ನೂ ಕೆಲವರು ಕಾಲು ಕೆ.ಜಿ ಹೂವು ತೆಗೆದುಕೊಂಡು ಹೋಗಿ ಹಬ್ಬ ಆಚರಿಸುತ್ತಿದ್ದಾರೆ. ಈ ಹಿಂದೆ ಒಬ್ಬೊಬ್ಬರು ಎರಡೆರಡು ಕೆ.ಜಿ ಹೂ ಕೊಳ್ಳುತ್ತಿದ್ದರು ಎಂದರು ಹೂವಿನ ವ್ಯಾಪಾರಿ ಸಮಗಮೇಶ ಹೂಗಾರ.