‘ಇಎಸ್ಐಸಿ ಆಸ್ಪತ್ರೆ ಕಲಬುರ್ಗಿಯಲ್ಲಿ ಆರಂಭವಾಗಿ ಏಳು ವರ್ಷವಾಗಿದೆ. ಬೃಹತ್ ಕಟ್ಟಡ ಹಾಗೂ ಸಲಕರಣೆಗಳು ಹೊಂದಿದ್ದರೂ ಕೇವಲ 200 ಬೆಡ್ಗಳ ಆಸ್ಪತ್ರೆ ಇಲ್ಲಿ ಚಾಲನೆಯಲ್ಲಿದೆ. ಇನ್ನೂ 500 ಬೆಡ್ಗಳನ್ನು ಸಿದ್ಧಗೊಳಿಸಲು ಸುಲಭವಾದ ಅವಕಾಶಗಳಿವೆ. ಆದರೂ ಮಾಡಿಲ್ಲ. ಜಿಲ್ಲೆಯಲ್ಲಿ ಈಗ ಕೋವಿಡ್ ಸಾಂಕ್ರಾಮಿಕ ತೀವ್ರವಾಗಿ ಕಾಡುತ್ತಿದೆ. ಆದ್ದರಿಂದ ತಕ್ಷಣಕ್ಕೆ ಬೆಡ್ಗಳ ಸಾಮರ್ಥ್ಯ ಹೆಚ್ಚಿಸಲು ಮುಂದಾಗಬೇಕು’ ಎಂದು ಕೋರಿದರು.
‘ರಾಜಸ್ಥಾನ, ಬಿಹಾರ್ ಮುಂತಾದ ಕಡೆಯಲ್ಲಿ ಇರುವ ಇಎಸ್ಐಸಿ ಆಸ್ಪತ್ರೆಗಳ ಸಾಮರ್ಥ್ಯವನ್ನು ಈಗಾಗಲೇ ಹೆಚ್ಚಿಸಲಾಗಿದೆ. ಅದರಂತೆ ಕಲಬುರ್ಗಿ ಆಸ್ಪತ್ರೆಯನ್ನೂ ನವೀಕರಿಸಬೇಕು. ಅಲ್ಲದೇ ಅಲ್ಲಿ ಕ್ರಯೋಜೆನಿಕ್ ಆಮ್ಲಜನಕ ಉತ್ಪಾದನಾ ಘಟಕವನ್ನೂ ನಿರ್ಮಿಸಬೇಕು’ ಎಂದೂ ಮನವಿ ಮಾಡಿದರು.