ಕಲಬುರ್ಗಿ: ಕೋವಿಡ್ ಸೋಂಕಿನಿಂದ ಬಳಲುತ್ತಿದ್ದ ಆಳಂದ ಪಟ್ಟಣದ ಹೊಸ ಅನ್ಸಾರಿ ಗಲ್ಲಿ ಪ್ರದೇಶ 58 ವರ್ಷದ ಮೃತಪಟ್ಟಿದ್ದಾರೆ. ಇದರಿಂದ ಕೊರೋನಾ ಸೋಂಕಿಗೆ ಜಿಲ್ಲೆಯಲ್ಲಿ ಮೃತರಾದವರ ಸಂಖ್ಯೆ 37ಕ್ಕೆ ಏರಿಕೆಯಾಗಿದೆ. ಅಲ್ಲದೇ, ಮಂಗಳವಾರ ಸೋಂಕಿತರ ಸಂಖ್ಯೆ 121ಕ್ಕೆ ಏರಿಕೆಯಾಗಿದೆ.
ತೀವ್ರ ಉಸಿರಾಟ ತೊಂದರೆ ಹಾಗೂ ಹೃದಯ ರೋಗದಿಂದ ಬಳಲುತ್ತಿದ್ದ ಈ ವ್ಯಕ್ತಿ ಜು 8ರಂದು ಕೋವಿಡ್ ಆಸ್ಪತ್ರೆಗೆ ಚಿಕಿತ್ಸೆಗೆ ದಾಖಲಾಗಿ ಅಂದೇ ನಿಧನ ಹೊಂದಿದ್ದು, ಮಂಗಳವಾರ ಸೋಂಕು ತಗುಲಿರುವುದು ದೃಢವಾಗಿದೆ ಎಂದು ಜಿಲ್ಲಾಧಿಕಾರಿ ಶರತ್ ಬಿ. ತಿಳಿಸಿದರು.
ಸೋಂಕಿತರ ಪೈಕಿ 41 ಜನ ಮಹಿಳೆಯರು, ಆರು ಜನ ಮಕ್ಕಳು ಸೇರಿದ್ದಾರೆ. ಜಯದೇವ ಆಸ್ಪತ್ರೆಯ ಮೂವರು ಸಿಬ್ಬಂದಿಗೂ ಸೋಂಕು ಕಾಣಿಸಿಕೊಂಡಿದೆ. ಎಂ.ಬಿ. ನಗರ ಪೊಲೀಸ್ ಠಾಣೆಯ 34 ವರ್ಷದ ಕಾನ್ಸ್ಟೆಬಲ್, 44 ವರ್ಷದ ಐವಾನ್ ಇ ಶಾಹಿ ಬಡಾವಣೆಯ ಸಿವಿಲ್ ಪೊಲೀಸ್ಗೂ ಕೋವಿಡ್ ದೃಢಪಟ್ಟಿದೆ.
ಕುಪನೂರ ಒಂದೇ ಗ್ರಾಮದಲ್ಲಿ 15 ಜನರು ಸೋಂಕಿಗೆ ತುತ್ತಾಗಿದ್ದು, ಎಲ್ಲರನ್ನೂ ಕಲಬುರ್ಗಿ ಕೋವಿಡ್ ಐಸೋಲೇಶನ್ ಕೇಂದ್ರಕ್ಕೆ ಸ್ಥಳಾಂತರಿಸಲಾಗಿದೆ. 121 ಜನ ಸೋಂಕಿತರ ಪೈಕಿ 35 ಜನರ ಸಂಪರ್ಕವನ್ನು ಪತ್ತೆ ಹಚ್ಚಲಾಗುತ್ತಿದೆ. ಅವರ ಪೈಕಿ 62 ಜನ ಕಲಬುರ್ಗಿ ನಗರದವರೇ ಇದ್ದಾರೆ.