ಕಲಬುರ್ಗಿ:ನಗರದ ಹೊರವಲಯದ ಅಫಜಲಪುರ ರಸ್ತೆಯಲ್ಲಿರುವ ಕೊಳ್ಳೂರ ಗ್ರಾಮದಲ್ಲಿ ಜೂಜಾಟ ಆಡುತ್ತಿದ್ದ ಅಡ್ಡೆಯ ಮೇಲೆ ಶನಿವಾರ ರಾತ್ರಿ ದಾಳಿ ನಡೆಸಿದಪೊಲೀಸ್ ಆಯುಕ್ತಾಲಯದ ಸಿಸಿಬಿ ಪೊಲೀಸರು, 24 ಜೂಜುಕೋರರನ್ನು ಬಂಧಿಸಿ, ಪಣಕ್ಕಿಟ್ಟಿದ್ದ ₹ 3.51 ಲಕ್ಷ ಮತ್ತು ಮೊಬೈಲ್‌ಗಳನ್ನು ವಶಪಡಿಸಿಕೊಂಡಿದ್ದಾರೆ.
ನಗರ ಪೊಲೀಸ್ ಕಮೀಷನರ್ ಎನ್.ಸತೀಶಕುಮಾರ, ಡಿಸಿಪಿ ಕಿಶೋರಬಾಬು, ಶ್ರೀಕಾಂತ ಕಟ್ಟಿಮನಿ ಅವರ ಮಾರ್ಗದರ್ಶನದಲ್ಲಿ ಸಿಸಿಬಿ ಇನ್ಸ್ಪೆಕ್ಟರ್ ದಿಲೀಪ್ ಸಾಗರ ಮತ್ತು ಸಿಬ್ಬಂದಿ ಶರಣಬಸವಪ್ಪ ಇಂಡಿ, ರವೀಂದ್ರಕುಮಾರ, ಮಲ್ಲಿಕಾಜರ್ುನ, ಅಶೋಕ ಇತರರು ಕೂಡಿಕೊಂಡು ಕಾರ್ಯಾಚರಣೆ ನಡೆಸಿದ್ದಾರೆ.ಖಚಿತ ಮಾಹಿತಿ ಮೇರೆಗೆ ತಡರಾತ್ರಿ ದಾಳಿ ನಡೆಸಿದ ವೇಳೆ ಏಕಕಾಲಕ್ಕೆ ಎಲ್ಲರೂ ಸಿಕ್ಕಿಬಿದ್ದರು.
ಅಫಜಲಪುರ ಮತ್ತು ಕಲಬುರ್ಗಿ ತಾಲ್ಲೂಕಿನ ಕೆಲವರು ಸೇರಿಕೊಂಡು ಕೊಳ್ಳೂರು ಹೊರ ವಲಯದಲ್ಲಿರುವ ಹೊಲದಲ್ಲಿ ಜೂಜಾಡುತ್ತಿದ್ದುರು ಎಂಬ ಮಾಹಿತಿಯಿತ್ತು. ಅದರಂತೆ ದಾಳಿ ನಡೆಸಲಾಗಿದೆ. ಇನ್ಸ್ಪೆಕ್ಟರ್ ತಮ್ಮರಾಯ ಪಾಟೀಲ ತನಿಖೆ ನಡೆಸುತ್ತಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
