ಕಲಬುರಗಿ: ಈಶಾನ್ಯ ವಲಯ ನೂತನ ಡಿಐಜಿ ಆಗಿ 2008ನೇ ವೃಂದದ ಐಪಿಎಸ್ ಅಧಿಕಾರಿ ಅನುಪಮ್ ಅಗರವಾಲ್ ಮಂಗಳವಾರ ನಗರದ ಪೊಲೀಸ್ ಭವನದಲ್ಲಿ ಅಧಿಕಾರ ವಹಿಸಿಕೊಂಡರು. ಇದಕ್ಕೂ ಮುನ್ನ ಐಜಿಪಿಯಾಗಿದ್ದ ಮನೀಷ್ ಖರ್ಬಿಕರ್ ಅವರು ಎಡಿಜಿಪಿಯಾಗಿ ಬಡ್ತಿ ಹೊಂದಿದ್ದಾರೆ.
ಹೀಗಾಗಿ, ಈಶಾನ್ಯ ವಲಯದ ಖಾಲಿ ಹುದ್ದೆಗೆ ಮೊದಲು ಉತ್ತರ ವಲಯದ ಐಜಿಪಿ ಎನ್.ಸತೀಶಕುಮಾರ್ ಅವರನ್ನು ವರ್ಗಾಯಿಸಲಾಗಿತ್ತು.
ಆದರೆ, ಸೋಮವಾರ ಆದೇಶ ಮಾರ್ಪಾಟು ಮಾಡಿದ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣಾ ಇಲಾಖೆ ಅನುಪಮ್ ಅಗರವಾಲ್ ಅವರನ್ನು ಕಲಬುರಗಿ ಈಶಾನ್ಯ ವಲಯದ ಡಿಐಜಿ ಹುದ್ದೆಗೆ ವರ್ಗಾಯಿಸಿತು.
ನೂತನ ಡಿಐಜಿ ಅವರನ್ನು ಎಸ್ಪಿ ಇಶಾ ಪಂತ್ ಬರಮಾಡಿಕೊಂಡರು. ಅಧಿಕಾರ ವಹಿಸಿಕೊಂಡ ನಂತರ ಅನುಪಮ್ ಅವರು ಅಧಿಕಾರಿಗಳ ಸಭೆ ನಡೆಸಿದರು.