ಸಿಯುಕೆ ಎದುರು ಪ್ರತಿಭಟನೆ; 22 ಜನ ವಿರುದ್ಧ ಪ್ರಕರಣ

ಕುಲಸಚಿವ ಪ್ರೊ. ಡೋಣೂರ ಅವರು ಹಲವು ಅಕ್ರಮಗಳಲ್ಲಿ ಭಾಗಿಯಾಗಿದ್ದು, ಅವುಗಳ ಬಗ್ಗೆ ತನಿಖೆ ನಡೆಸುವುದು ಸೇರಿ ವಿವಿಧ ಬೇಡಿಕೆಗಳ ಈಡೇರಿಸುವಂತೆ ಪ್ರತಿಭಟನಾಕಾರರು ಅಂದು ಬೆಳಿಗ್ಗೆಯಿಂದ ರಾತ್ರಿಯವರೆಗೆ ಪ್ರತಿಭಟನೆ ನಡೆಸಿದ್ದರು.

‘ವಿಶ್ವವಿದ್ಯಾಲಯದ ಮುಖ್ಯ ಗೇಟಿನ ಮುಂದೆ ಗುಂಪು ಕಟ್ಟಿಕೊಂಡು ಪ್ರತಿಭಟನೆ ನಡೆಸಿದ್ದರು. ವಿಶ್ವವಿದ್ಯಾಲಯದ ವಿದ್ಯಾರ್ಥಿ–ವಿದ್ಯಾರ್ಥಿನಿಯರು, ಅಧಿಕಾರಿಗಳು ಹಾಗೂ ಸಿಬ್ಬಂದಿ ಒಳಗೆ, ಹೊರಗೆ ಹೋಗದಂತೆ ದಿಗ್ಬಂಧನ ಹಾಕಿದ್ದರು. ಅಲ್ಲದೇ, ಅಧಿಕಾರಿಗಳ ಕರ್ತವ್ಯಕ್ಕೆ ಅಡ್ಡಿಪಡಿಸಿದ್ದರು’ ಎಂದು ಪ್ರೊ. ಬಸವರಾಜ ಡೋಣೂರ ದೂರಿನಲ್ಲಿ ತಿಳಿಸಿದ್ದಾರೆ.

ಇದನ್ನು ಆಧರಿಸಿ ನರೋಣಾ ಠಾಣೆಯ ಪೊಲೀಸರು ಸುನೀಲ ಮಾರುತಿ ಮಾನಪಡೆ, ಸಂತೋಷ ಮೇಲ್ಮನಿ, ಅಶ್ವಿನಿ ಮದನಕರ್, ಗೌತಮ ಸಿಂಗೆ, ಧರ್ಮಣ್ಣ ಕೋನಕರ, ಅನಿಲಕುಮಾರ ನಿಂಗಪ್ಪ, ಮಲ್ಲಿಕಾರ್ಜುನ, ನಂದಪ್ಪ, ಚನ್ನಬಸವ, ಹಣಮಂತ ಜಾನೆ, ದತ್ತಪ್ಪ ಗಡಬಳ್ಳಿ, ಪ್ರಮೋದ ಧನ್ನಿ, ರಾಹುಲ್, ಲಕ್ಷ್ಮಿಪುತ್ರ ಘಂಟೆಕರ, ಕಲ್ಯಾಣಿ ಧನ್ನಿ, ಅನಿಲ ಟೆಂಗಳಿ, ಸುದರ್ಶನ ಧನ್ನಿ, ಕರಬಸಪ್ಪ ಧನ್ನಿ, ಆಕಾಶ ತಳಕೇರಿ, ಪ್ರವೀಣ ಮೊದಲೆ, ಹರ್ಷವರ್ಧನ ಪಟ್ಟೇದಾರ ಹಾಗೂ ಇಸ್ಮಾಯಿಲ್ ಕಾಂಬಳೆ ಎಂಬುವರ ವಿರುದ್ಧ ಜೀವ ಬೆದರಿಕೆ ಸೇರಿದಂತೆ ವಿವಿಧ ಗಂಭೀರ ಪ್ರಕರಣಗಳಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.