ಅಫಜಲಪುರ: ಬಡವರ ಬಾದಾಮಿಗೆ ಭಾರಿ ಬೇಡಿಕೆ

ಶೇಂಗಾ ಬಿತ್ತನೆ ಬೀಜ ಮಾರುಕಟ್ಟೆಯಲ್ಲಿ 1 ಕೆ.ಜಿಗೆ ₹150 ಆಗಿರುವುದರಿಂದ ರೈತರು ದುಬಾರಿ ಬೀಜ, ಗೊಬ್ಬರ ಹಾಕಿ ಶೇಂಗಾ ಬೆಳೆಯುವುದು ಕಷ್ಟಕರವಾಗಿದೆ. ಹೀಗಾಗಿ ರೈತ ಮುಖಂಡರಾದ ತಿಪ್ಪಣ್ಣ ಚಲಗೇರಿ, ಸುಭಾಸ ಮ್ಯಾಕೇರಿ ಹಾಗೂ ಗುರು ಚಾಂದಕೋಟೆ ಶೇಂಗಾ ಬೆಳೆ ಕುರಿತು ಮಾಹಿತಿ ನೀಡಿ, ‘ಕೃಷಿ ಇಲಾಖೆಯವರು ಪ್ರತಿ ವರ್ಷ ಮುಂಗಾರು ಹಂಗಾಮಿನಲ್ಲಿ ಶೇಂಗಾ ಬಿತ್ತನೆ ಬೀಜ ಸಹಾಯಧನದಲ್ಲಿ ಮಾರಾಟ ಮಾಡಬೇಕು. ಶೇಂಗಾ ಬೆಳೆಯುವ ಕುರಿತು ಕೃಷಿ ಇಲಾಖೆಯವರು ಬೇಸಿಗೆಯಲ್ಲಿ ರೈತರಿಗೆ ಕಾರ್ಯಗಾರ ಏರ್ಪಡಿಸಬೇಕು. ಬೇಸಿಗೆ ಅವಧಿಯಲ್ಲಿ ಶೇಂಗಾ ಬಿತ್ತನೆ ಮಾಡಲು ನೀರಾವರಿ ರೈತರಿಗೆ ಸಹಾಯಧನದಲ್ಲಿ ಬಿತ್ತನೆ ಬೀಜ ಮಾರಾಟ ಮಾಡಬೇಕು’ ಎಂದು ಆಗ್ರಹಿಸಿದರು.

ಸಹಾಯಕ ಕೃಷಿ ನಿರ್ದೇಶಕ ಎಸ್.ಎಚ್ ಗಡಿಗಿಮನಿ ಮಾಹಿತಿ ನೀಡಿ, ‘ನಮ್ಮ ಇಲಾಖೆ ಮುಖಾಂತರ ಮುಂಗಾರು ಹಂಗಾಮಿನಲ್ಲಿ ಶೇಂಗಾ ಬೀಜಗಳನ್ನು ಸಹಾಯಧನದಲ್ಲಿ ಮಾರಾಟ ಮಾಡಲು ಅವಕಾಶವಿಲ್ಲ. ಆದರೂ ಮುಂದಿನ ವರ್ಷ ಇದರ ಬಗ್ಗೆ ಜಿಲ್ಲಾ ಜಂಟಿ ಕೃಷಿ ನಿರ್ದೇಶಕರೊಂದಿಗೆ ಚರ್ಚೆ ಮಾಡಿ ಅವಕಾಶ ಮಾಡಿಕೊಡಲು ಪ್ರಯತ್ನ ಮಾಡುತ್ತೇನೆ’ ಎಂದು ಅವರು ತಿಳಿಸಿದರು.