ಕಲಬುರಗಿ: ಗುರುವಾರ ಸಂಜೆ ಕಲಬುರಗಿ ನಗರ ಹಾಗೂ ಸೇಡಂ ಪಟ್ಟಣದಲ್ಲಿ ಕೆಲ ಹೊತ್ತು ಬಿರುಸಿನ ಮಳೆ ಸುರಿಯಿತು. ನಗರದಲ್ಲಿ ಬೆಳಿಗ್ಗೆಯಿಂದ ಸೆಖೆಯ ವಾತಾವರಣ ಇತ್ತು. ಸಂಜೆಯಾಗುತ್ತಿದ್ದಂತೆಯೇ ಬಿರುಸಿನಿಂದ ಮಳೆ ಹನಿಗಳು ಬೀಳಲಾರಂಭಿಸಿತು.
ಸುಮಾರು 20 ನಿಮಿಷಗಳಿಗೂ ಅಧಿಕ ಕಾಲ ಮಳೆ ಸುರಿದಿದ್ದರಿಂದ ನಗರವು ತಂಪಾಯಿತು. ಸೇಡಂ ಪಟ್ಟಣದಲ್ಲಿಯೂ ಸುಮಾರು ಅರ್ಧ ಗಂಟೆ ಮಳೆ ಸುರಿಯಿತು. ಪಟ್ಟಣದ ತಾಲ್ಲೂಕು ಸಾರ್ವಜನಿಕ ಆಸ್ಪತ್ರೆ ಬಳಿ ಭಾರಿ ಮಳೆ ಸುರಿದಿದ್ದರಿಂದ ವಾಹನ ಹಾಗೂ ಜನ ಸಂಚಾರ ಕೆಲ ಹೊತ್ತು ವಿರಳವಾಗಿತ್ತು.
