ಭಾನುವಾರ, ಏಪ್ರಿಲ್ 5, 2020
19 °C
ದೇವರ ಮನೆ

ಲಾಡ್ಲಾಪುರ: ‘ದೇವರ ಮನೆ’ ಉದ್ಘಾಟನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ವಾಡಿ: ಲಾಡ್ಲಾಪುರ ಗ್ರಾಮದಲ್ಲಿ ಶುಕ್ರವಾರ ಹಾಜಿಸರ್ವರ (ಹಾದಿಶರಣ) ನೂತನ ‘ದೇವರ ಮನೆ’ಯನ್ನು ಸಹಸ್ರಾರು ಭಕ್ತರ ಸಮ್ಮುಖದಲ್ಲಿ ಉದ್ಘಾಟಿಸಲಾಯಿತು.

ಬೆಳಿಗ್ಗೆ 9.30ಕ್ಕೆ ಗರ್ಭಗುಡಿಯಲ್ಲಿನ ಗದ್ದುಗೆಗೆ ವಿವಿಧ ಪೂಜೆ, ಮಂತ್ರ ಪಠಣಗಳು ಜರುಗಿದ ನಂತರ ಬೆಳ್ಳಿಕುದುರೆ ಹಾಗೂ ಪಂಚಕಳಸಗಳನ್ನು ಪ್ರತಿಷ್ಠಾಪಿಸಲಾಯಿತು.

ಪೂಜೆ ನಂತರ ಪ್ರಮುಖ ಬೀದಿಗಳ ಮೂಲಕ ಹಾಜಿಸರ್ವರ್ (ಹಾದಿಶರಣ) ಬೆಟ್ಟಕ್ಕೆ ಸಾಗಿ ನೈವೇದ್ಯ ಸಮರ್ಪಿಸಲಾಯಿತು. ವಿವಿಧ ವಾದ್ಯ ಮೇಳಗಳು ಮೆರವಣಿಗೆಗೆ ಮೆರುಗು ತಂದವು.ಲಾಡ್ಲಾಪುರ ಸೇರಿ ಸುತ್ತಮುತ್ತಲ ಹಲವು ಗ್ರಾಮಗಳ ಭಕ್ತರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

ಭಕ್ತರಿಗೆ ಪ್ರಸಾದದ ವ್ಯವಸ್ಥೆ ಕಲ್ಪಿಸಲಾಗಿತ್ತು. ವಿವಿಧ ಗಣ್ಯರನ್ನು ಇದೇ ಸಂದರ್ಭದಲ್ಲಿ ಸನ್ಮಾನಿಸಿ ಗೌರವಿಸಲಾಯಿತು.  ವಿಜಯಪುರ ಜಿಲ್ಲೆಯ ಆಕಾಶ ಮನಗೂಳಿ ಕಲಾತಂಡ ಹಾಗೂ ಶೋಭಾ ಭಜನಾ ಕಲಾ ತಂಡಗಳಿಂದ ಭಜನೆ ನಡೆಯಿತು.

ಮುಖಂಡರಾದ ಬಸವರಾಜ ಮುಕ್ತೇದಾರ, ವಿಶ್ವನಾಥ ಗಂಧಿ, ಶರಣಪ್ಪಗೌಡ ಪೊಲೀಸ್ ಪಾಟೀಲ, ದೊಡ್ಡಪ್ಪಗೌಡ ಪೊಲೀಸ್ ಪಾಟೀಲ್, ಶಾಂತಕುಮಾರ ಎಣ್ಣಿ, ಸಾಬಣ್ಣ ಮುಸ್ಲಾ, ಗ್ರಾಪಂ ಅಧ್ಯಕ್ಷ ಸಾಬಣ್ಣ ಆನೇಮಿ, ನಾಗಣ್ಣ ಹೂಗಾರ, ಈರಣ್ಣ ಮಲಕಂಡಿ, ಶಿವಕುಮಾರ ಮಲಕಂಡಿ, ಸಾಬಯ್ಯ ಗುತ್ತೇದಾರ, ಶರಣಪ್ಪ ಪೂಜಾರಿ, ವಸಂತ ಹಲಕರ್ಟಿ, ಸಾಬಣ್ಣ ಗೊಡಗ, ಮಹಾದೇವ ಹೂಗಾರ, ರಂಗರಾವ ಕುಲ್ಕರ್ಣಿ, ರಮೇಶ ಹೂಗಾರ, ಹಣಮಂತ ಗಲಗಿನ, ಮಲ್ಲುಗೌಡ ಪೊಲೀಸ್ ಪಾಟೀಲ್, ಮೈನುದ್ದೀನ್ ಖುರೇಶಿ, ಖಾಶಿಂ ಮುಲ್ಲಾ, ಬಸ್ಸಯ್ಯ ಗುತ್ತೇದಾರ, ಸಾಯಣ್ಣ ಗಂಜಿ, ರಾಮಲಿಂಗ ಕೊಂಡಾ ಇದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು