ಕಲಬುರಗಿ: ಕೃಷಿ ಡ್ರೋನ್‌ ತರಬೇತಿಗೆ ಹೆಚ್ಚಿದ ಬೇಡಿಕೆ

ಕಲಬುರಗಿ: ಕೀಟನಾಶಕ ಸಿಂಪಡಿಸಲು ಕೃಷಿ ಕಾರ್ಮಿಕರ ಕೊರತೆ, ಸಾಕಷ್ಟು ಸಮಯ ಬೇಡುವುದು ಸೇರಿದಂತೆ ಇತರೆ ಸಮಸ್ಯೆಗಳಿಂದಾಗಿ ರೈತರು ಕ್ರಮೇಣ ಕೃಷಿಯಲ್ಲಿ ಡ್ರೋನ್ಗಳ ಬಳಕೆಯತ್ತ ಹೊರಳುತ್ತಿದ್ದಾರೆ. ಹೀಗಾಗಿ, ಕಲ್ಯಾಣ ಕರ್ನಾಟಕದಲ್ಲಿ ಕೃಷಿ ಡ್ರೋನ್ಗಳ ಪೈಲಟ್ಗಳಿಗೂ ಬೇಡಿಕೆ ಹೆಚ್ಚಾಗುತ್ತಿದೆ.

. ಕೃಷಿ ಡ್ರೋನ್ಗಳ ಬಳಕೆಯನ್ನು ಉತ್ತೇಜಿಸಲು ಮುಂದಾಗಿರುವ ರಾಯಚೂರು ಕೃಷಿ ವಿಶ್ವವಿದ್ಯಾಲಯವು ಕಲಬುರಗಿಯ ಕೃಷಿ ಮಹಾವಿದ್ಯಾಲಯದ ಆವರಣದಲ್ಲಿ ಕೃಷಿ ಡ್ರೋನ್ ತರಬೇತಿಯನ್ನು ನಡೆಸುತ್ತಿದೆ. ಇದಕ್ಕಾಗಿ ರಾಜ್ಯದ ಚಿತ್ರದುರ್ಗ, ಹಾಸನ, ಕೊಪ್ಪಳ, ಯಾದಗಿರಿ, ಕಲಬುರಗಿ ಸೇರಿದಂತೆ ವಿವಿಧ ಜಿಲ್ಲೆಗಳ 75 ಜನರು ತರಬೇತಿಯಲ್ಲಿ ಭಾಗವಹಿಸಿದ್ದಾರೆ.

. ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಹೆಚ್ಚಾಗಿ ಬೆಳೆಯುವ ತೊಗರಿ, ಹತ್ತಿ, ಕಬ್ಬು, ಭತ್ತಕ್ಕೆ ಕಳೆ ನಾಶಕಗಳನ್ನು ಸಿಂಪಡಿಸಲು ಹಾಗೂ ರಸಗೊಬ್ಬರ ಹಾಕಲು ಇತ್ತೀಚಿನ ದಿನಗಳಲ್ಲಿ ಡ್ರೋನ್ಗಳನ್ನು ವ್ಯಾಪಕವಾಗಿ ಬಳಸಲಾಗುತ್ತಿದೆ. ಕೃಷಿ ಇಲಾಖೆ ಹಾಗೂ ಕಲ್ಯಾಣ ಕರ್ನಾಟಕ ಪ್ರದೇಶ ಅಭಿವೃದ್ಧಿ ಮಂಡಳಿಯು ದುಬಾರಿ ಡ್ರೋನ್ಗಳ ಖರೀದಿಗೆ ಆರ್ಥಿಕ ನೆರವನ್ನೂ ನೀಡುತ್ತಿದೆ. ಒಂದು ಎಕರೆ ಪ್ರದೇಶದ ಭತ್ತ ಅಥವಾ ಕಬ್ಬಿಗೆ ಕೀಟನಾಶಕವನ್ನು ಸಿಂಪಡಿಸಲು ಕಾರ್ಮಿಕರು ಸಾಂಪ್ರದಾಯಿಕ ವಿಧಾನದಲ್ಲಿ ಕೆಲ ಗಂಟೆಗಳನ್ನು ತೆಗೆದುಕೊಂಡರೆ ಡ್ರೋನ್ ಕೇವಲ 15 ನಿಮಿಷಗಳಲ್ಲಿ ಇಡೀ ಎಕರೆ ಜಮೀನಿಗೆ ಕೀಟನಾಶಕ, ರೋಗ ನಾಶಕ ಔಷಧಿಯನ್ನು ಸಿಂಪಡಿಸುತ್ತಿದೆ.

. ಇತ್ತೀಚೆಗೆ ಕೊಪ್ಪಳ ಜಿಲ್ಲೆಯ ಗಂಗಾವತಿ, ಕಾರಟಗಿ ಮತ್ತಿತರ ಕಡೆ ಡ್ರೋನ್ ಪೈಲಟ್ ತರಬೇತಿ ಪಡೆದ ಡ್ರೋನ್ ಸಖಿಯರು ಭತ್ತಕ್ಕೆ ಕೀಟನಾಶಕಗಳನ್ನು ಸಿಂಪಡಿಸಿ ಉತ್ತಮ ಆದಾಯ ಗಳಿಸುತ್ತಿದ್ದಾರೆ.

. ತರಬೇತಿಯಲ್ಲಿ ಏನೇನಿದೆ?:

. ಕೃಷಿ ಮಹಾವಿದ್ಯಾಲಯದ ಆವರಣದಲ್ಲಿ ಪ್ರತಿ ದಿನ ಬೆಳಿಗ್ಗೆ 9.15ರಿಂದ ಸಂಜೆ 5ರವರೆಗೆ ತರಬೇತಿ ನಡೆಯುತ್ತಿದ್ದು, ಬೆಳಿಗ್ಗೆ ಒಂದು ಗಂಟೆ ಮಾತ್ರ ಡ್ರೋನ್ ಕುರಿತು ತಾಂತ್ರಿಕ ಉಪನ್ಯಾಸವನ್ನು ನಡೆಸಲಾಗುತ್ತದೆ. ಉಳಿದಂತೆ ಹೆಚ್ಚಿನ ಅವಧಿ ತರಬೇತಿಯೇ ಇರುತ್ತದೆ ಎನ್ನುತ್ತಾರೆ ವಿ.ವಿ. ವತಿಯಿಂದ ಡ್ರೋನ್ ತರಬೇತಿಯ ಉಸ್ತುವಾರಿ ಹೊತ್ತಿರುವ ಕೀಟಶಾಸ್ತ್ರ ವಿಭಾಗದ ಮುಖ್ಯಸ್ಥ ಹಾಗೂ ಪ್ರಾಧ್ಯಾಪಕ ಪ್ರೊ.ರಾಚಪ್ಪ ವಿ. ಹಾವೇರಿ.

. ತೊಗರಿ, ಭತ್ತ, ಹತ್ತಿ, ಕಬ್ಬು ಸೇರಿದಂತೆ ವಿವಿಧ ಬೆಳೆಗಳಿಗೆ ಎಷ್ಟು ಅಡಿ ಅಂತರದಲ್ಲಿ ಡ್ರೋನ್ ಮೂಲಕ ಔಷಧಿ ಸಿಂಪಡಿಸಬೇಕು. ಎಷ್ಟು ಪ್ರಮಾಣದ ನ್ಯಾನೊ ಯೂರಿಯಾ ಹಾಕಿರಬೇಕು. ಜಿಪಿಎಸ್ ಮಾಡಿ ಒಂದೇ ಬಗೆಯ ಅಂತರದಲ್ಲಿ ಹಾರುವಂತೆ ಮಾಡಬೇಕು ಎಂಬ ತಾಂತ್ರಿಕ ವಿವರಗಳನ್ನು ತರಬೇತಿ ಅವಧಿಯಲ್ಲಿ ನೀಡಲಾಗುತ್ತದೆ.

. ಎಕ್ಸಿಲೆಜೆಂಟ್ ಟೆಕ್ನೊ ಪವರ್ ಸಂಸ್ಥೆಯ ಕುಶಾಲ್ ಕುಮಾರ್ ಬಿ. ಪೋತದಾರ ಅವರೊಂದಿಗೆ ವಿಶ್ವವಿದ್ಯಾಲಯವು ಒಪ್ಪಂದ ಮಾಡಿಕೊಂಡಿದ್ದು, ಅವರು ಡ್ರೋನ್ ಬಗ್ಗೆ ತರಬೇತಿ ನೀಡುತ್ತಿದ್ದಾರೆ. ಕಲಬುರಗಿ ಕೃಷಿ ಕಾಲೇಜಿನ ಡೀನ್ ಎಸ್.ಬಿ.ಗೌಡಪ್ಪ, ಸಹಾಯಕ ಪ್ರಾಧ್ಯಾಪಕ ಸಿದ್ದರಾಮ ವಾಡೇದ ಹಾಗೂ ಕೃಷಿ ವಿಜ್ಞಾನ ಕೇಂದ್ರದ ಮುಖ್ಯಸ್ಥ ರಾಜು ತೆಗ್ಗೆಳ್ಳಿ ಅವರೂ ತರಬೇತಿಗೆ ಪೂರಕ ನೆರವು ನೀಡಿದ್ದಾರೆ.

. ಡ್ರೋನ್ ತರಬೇತಿಗೆ ಉತ್ತಮ ಸ್ಪಂದನೆ ವ್ಯಕ್ತವಾಗಿದ್ದು ಬಹುತೇಕ ತರಬೇತಿ ಅವಧಿಯಲ್ಲಿ ಬೋಧನೆಗಿಂತ ಡ್ರೋನ್ ಹಾರಿಸುವುದು ಹೇಗೆ ಎಂಬ ಬಗ್ಗೆ ನೇರ ಪ್ರಾತ್ಯಕ್ಷಿಕೆಯನ್ನು ನೀಡಲಾಗಿದೆ. ಡ್ರೋನ್ ಬಳಕೆ ಹೆಚ್ಚಿದಂತೆ ದರವೂ ಕಡಿಮೆಯಾಗಬಹುದು ಪ್ರೊ.ರಾಚಪ್ಪ ವಿ. ಹಾವೇರಿ ಕೀಟಶಾಸ್ತ್ರ ವಿಭಾಗದ ಮುಖ್ಯಸ್ಥ ಕೃಷಿ ಕಾಲೇಜು ಕಲಬುರಗಿ . ₹ 10 ಸಾವಿರ ಶುಲ್ಕವಿಟ್ಟರೂ ತಗ್ಗದ ಬೇಡಿಕೆ:

ಐದು ದಿನಗಳ ಡ್ರೋನ್ ತರಬೇತಿಗೆ ಊಟ ವಸತಿ ಹಾಗೂ ತರಬೇತಿ ಸೇರಿ ₹ 10 ಸಾವಿರ ಶುಲ್ಕವನ್ನು ವಿಧಿಸಲಾಗಿತ್ತು. ಆದರೂ ಉತ್ತಮ ಸ್ಪಂದನೆ ದೊರೆತಿದೆ. ಇದರಲ್ಲಿ ಯುವ ರೈತರು ಉದ್ಯಮಿಗಳು ಬಿ.ಎಸ್ಸಿ ಅಗ್ರಿ ಪದವೀಧರರು ಸೇರಿದಂತೆ ವಿವಿಧ ಸ್ತರಗಳಿಂದ ಬಂದವರು ಇದ್ದಾರೆ. ಡ್ರೋನ್ ಪೈಲಟ್ ತರಬೇತಿ ಪಡೆದವರಿಗೆ ಸಣ್ಣ ಪುಟ್ಟ ದುರಸ್ತಿಯನ್ನೂ ಕಲಿಸಲಾಗಿದೆ. ಕೊನೆಯಲ್ಲಿ ಪ್ರಮಾಣಪತ್ರವನ್ನೂ ನೀಡಲಾಗುತ್ತಿದೆ. ಇದೇ 20ರಂದು ತರಬೇತಿ ಮುಕ್ತಾಯವಾಗಲಿದೆ. ಬೇಡಿಕೆ ಬಂದರೆ ಆರು ತಿಂಗಳ ಬಳಿಕ ಮತ್ತೊಮ್ಮೆ ತರಬೇತಿ ನೀಡಲು ವಿಶ್ವವಿದ್ಯಾಲಯ ಚಿಂತನೆ ನಡೆಸಿದೆ.

. 20 ಲೀಟರ್ ಸಾಮರ್ಥ್ಯದ ಡ್ರೋನ್:

ಡ್ರೋನ್ ಗಳನ್ನು ಬಳಸಿ ಕೀಟನಾಶಕ ಸಿಂಪಡಿಸುವ ತಾಂತ್ರಿಕತೆ ಸಾಕಷ್ಟು ಸುಧಾರಿಸಿದ್ದು 15ರಿಂದ 20 ಲೀಟರ್ ಕೀಟನಾಶಕ ಔಷಧಿ ಅಥವಾ ನ್ಯಾನೊ ಗೊಬ್ಬರವನ್ನು ಸಿಂಪಡಿಸಬಹುದಾಗಿದೆ. ಈ ಡ್ರೋನ್ ಗಾತ್ರ 1 ಮೀಟರ್ ಇರಲಿದ್ದು ಒಂದೊಂದು ಫ್ಯಾನ್ಗಳ ಉದ್ದ ಒಂದು ಅಡಿ ಇರುತ್ತದೆ. ಮಾರುಕಟ್ಟೆಯಲ್ಲಿ ₹ 10 ಲಕ್ಷದಿಂದ ₹ 15 ಲಕ್ಷದವರೆಗೆ ಒಂದು ಡ್ರೋನ್ಗೆ ಬೆಲೆ ಇದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಲಬುರಗಿ: ಕೃಷಿ ಡ್ರೋನ್‌ ತರಬೇತಿಗೆ ಹೆಚ್ಚಿದ ಬೇಡಿಕೆ

ಚಿನಕುರುಳಿ | ಶನಿವಾರ, 19 ಜುಲೈ 2025

ಹಿಮಾಚಲ: ಬಹು ಪತಿತ್ವ ಸಂಪ್ರದಾಯ ಉಳಿಸಲು ಒಂದೇ ಹುಡುಗಿಯ ಮದುವೆಯಾದ ಸಹೋದರರು

ಚಿನಕುರುಳಿ | ಭಾನುವಾರ, 20 ಜುಲೈ 2025

ದಿನ ಭವಿಷ್ಯ | ಕೃಷಿ ಮೂಲದಿಂದ ಆರ್ಥಿಕವಾಗಿ ಮುನ್ನಡೆ ಸಾಧಿಸುವಿರಿ

ಟ್ರೋಫಿಗೆ ಸಚಿನ್ ಹೆಸರಿನೊಂದಿಗೆ ನನ್ನ ಹೆಸರು ಸೇರಿಸಿದ್ದು ದೊಡ್ಡ ಗೌರವ: ಜಿಮ್ಮಿ

ಲಂಡಂನ್‌ನಲ್ಲಿ ಕಾಣಿಸಿಕೊಂಡ ಕ್ರಿಕೆಟಿಗ ಚಾಹಲ್, ಗೆಳತಿ ಆರ್‌ಜೆ ಮಹ್ವಾಶ

IND vs ENG Test: ಟೀಂ ಇಂಡಿಯಾಗೆ ಆಯ್ಕೆಯಾದ ವೇಗಿ ಅನ್ಶುಲ್ ಕಾಂಬೋಜ್‌

WCL Cricket-2025: ಭಾರತ-ಪಾಕಿಸ್ತಾನ ನಡುವಿನ ಪಂದ್ಯ ರದ್ದು

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಚಿನಕುರುಳಿ | ಶನಿವಾರ, 19 ಜುಲೈ 2025

ಹಿಮಾಚಲ: ಬಹು ಪತಿತ್ವ ಸಂಪ್ರದಾಯ ಉಳಿಸಲು ಒಂದೇ ಹುಡುಗಿಯ ಮದುವೆಯಾದ ಸಹೋದರರು

ಚಿನಕುರುಳಿ | ಭಾನುವಾರ, 20 ಜುಲೈ 2025

ದಿನ ಭವಿಷ್ಯ | ಕೃಷಿ ಮೂಲದಿಂದ ಆರ್ಥಿಕವಾಗಿ ಮುನ್ನಡೆ ಸಾಧಿಸುವಿರಿ