ಐಟಿಎಫ್‌ ಕಲಬುರಗಿ ಓಪನ್: ಡಬಲ್ಸ್‌ ಪ್ರಶಸ್ತಿಗೆ ಭಾರತೀಯರ ಪೈಪೋಟಿ

ಕಲಬುರಗಿ: ಐಟಿಎಫ್ ಕಲಬುರಗಿ ಓಪನ್ ಮಹಿಳೆಯರ ಟೆನಿಸ್ ಟೂರ್ನಿಯ ಡಬಲ್ಸ್ ಪ್ರಶಸ್ತಿಗಾಗಿ ಶನಿವಾರ ಭಾರತದ ಜೋಡಿಗಳೇ ಸೆಣಸಲಿವೆ.

. ಚಂದ್ರಶೇಖರ ಪಾಟೀಲ ಜಿಲ್ಲಾ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಸೆಮಿಫೈನಲ್ಸ್ನಲ್ಲಿ ಗೆದ್ದ ಅಂಕಿತಾ ರೈನಾ– ವೈಷ್ಣವಿ ಅಡ್ಕರ್ ಮತ್ತು ಸೋಹಾ ಸಾದಿಕ್– ಆಕಾಂಕ್ಷಾ ದಿಲೀಪ್ ನಿಟ್ಟೂರೆ ಜೋಡಿಗಳ ಮಧ್ಯೆ ಫೈನಲ್ ಪಂದ್ಯ ನಡೆಯಲಿದೆ.

. ನಾಲ್ಕರ ಘಟ್ಟದ ಪಂದ್ಯದವರೆಗೆ ಉತ್ತಮ ಪ್ರದರ್ಶನ ತೋರಿರುವ ಅಂಕಿತಾ–ವೈಷ್ಣವಿ ಉತ್ತಮ ಹೊಂದಾಣಿಕೆಯ ಆಟದಿಂದ ಗಮನಸೆಳೆಯುತ್ತಿದ್ದಾರೆ. ಈ ಜೋಡಿ ಅದೇ ಛಲವನ್ನು ಉಳಿಸಿಕೊಳ್ಳುವ ಇರಾದೆಯಲ್ಲಿದೆ. ಇತ್ತೀಚೆಗೆ ವೈಷ್ಣವಿ ಅಡ್ಕರ್ ಅವರನ್ನು ಬಿಲ್ಲೀ ಜೀನ್ ಕಿಂಗ್ ಕಪ್ ಏಷ್ಯಾ/ ಒಷಾನಿಯಾ ಒಂದನೇ ಗುಂಪಿನಲ್ಲಿ ಆಡಲಿರುವ ಭಾರತ ತಂಡಕ್ಕೆ ಸೇರ್ಪಡೆಗೊಳಿಸಲಾಗಿದೆ. ಅಂಕಿತಾ ರೈನಾ ಕೂಡ ಈ ತಂಡದಲ್ಲಿದ್ದು, ಇಬ್ಬರ ಉತ್ಸಾಹವೂ ವೃದ್ಧಿಸಿದೆ.

. ಇತ್ತೀಚೆಗೆ ನಡೆದ ಮೈಸೂರು ಓಪನ್ ಐಟಿಎಫ್ ಟೆನಿಸ್ ಟೂರ್ನಿಯಲ್ಲಿ ರನ್ನರ್ಸ್ ಅಪ್ ಆಗಿರುವ ಸೋಹಾ–ಆಕಾಂಕ್ಷಾ ಕೂಡ ಭರ್ಜರಿ ಲಯದಲ್ಲಿದ್ದಾರೆ. ಕಲಬುರಗಿ ಓಪನ್ ಟೂರ್ನಿಯ ಸೆಮಿಫೈನಲ್ನಲ್ಲಿ ಶುಕ್ರವಾರ ಟೈಬ್ರೇಕ್ನಲ್ಲಿ ಗೆದ್ದಿರುವ ಅವರು ಟ್ರೋಫಿ ಮೇಲೆ ಕಣ್ಣಿಟ್ಟಿದ್ದಾರೆ. ಪ್ರಶಸ್ತಿ ಸುತ್ತು ತಲುಪಲು ಹಣಾಹಣಿ: ಸಿಂಗಲ್ಸ್ ವಿಭಾಗದ ಸೆಮಿಫೈನಲ್ಸ್ ಶನಿವಾರ ನಡೆಯಲಿದ್ದು, ಅಂಕಿತಾ ರೈನಾ ಅವರು ಥಾಯ್ಲೆಂಡ್ನ ಥಾಸಪೋರ್ನ್ ನಕ್ಲೊ ಎದುರು ಸೆಣಸುವರು. ಮತ್ತೊಂದು ಪಂದ್ಯದಲ್ಲಿ ವೈಷ್ಣವಿ, ನೆದರ್ಲೆಂಡ್ಸ್ನ ಯಾಸ್ಮಿನ್ ಜಿಂಬ್ರೆರೆ ಸವಾಲು ಎದುರಿಸಲಿದ್ದಾರೆ.

. - ಗ್ಯಾಲರಿಯಲ್ಲಿ ಮಕ್ಕಳ ಕಲರವ

ಟೆನಿಸ್ ಟೂರ್ನಿ ಆರಂಭವಾದಾಗಿನಿಂದ ಖಾಲಿ ಖಾಲಿಯಂತಿದ್ದ ಗ್ಯಾಲರಿಯಲ್ಲಿ ಶುಕ್ರವಾರ ಮಕ್ಕಳ ಕಲರವ ತುಂಬಿತ್ತು.

ಕಲಬುರಗಿ ನಗರದ ವಿವೇಕಾನಂದ ವಿದ್ಯಾನಿಕೇತನ ಎಸ್ಬಿಆರ್ ಜೆಟಿಎಸ್ (ಕಿರಿಯ ತಾಂತ್ರಿಕ ಶಾಲೆ) ಹಾಗೂ ಸುರಪುರದ ಎಸ್ಬಿಆರ್ ಶಾಲೆಗಳ ಮಕ್ಕಳು ಬಂದು ಆಟವನ್ನು ಕಣ್ತುಂಬಿಕೊಂಡು ಸಂಭ್ರಮಿಸಿದರು. ಪಾಯಿಂಟ್ಸ್ ಗಳಿಸಿದಾಗ ಚಪ್ಪಾಳೆ ತಟ್ಟಿ ಆಟಗಾರ್ತಿಯರನ್ನು ಹುರಿದುಂಬಿಸಿದರು.

ಪಂದ್ಯಗಳು ಮುಗಿದ ಬಳಿಕ ಭಾರತದ ಆಟಗಾರ್ತಿ ಅಂಕಿತಾ ರೈನಾ ಅವರೊಂದಿಗೆ ಗ್ರೂಪ್ ಫೋಟೊ ತೆಗೆದುಕೊಂಡು ಹಸ್ತಾಕ್ಷರ ಪಡೆದು ಪುಳಕಿತರಾದರು. ಕೆಲವರು ತಮ್ಮ ಅಭಿಪ್ರಾಯವನ್ನೂ ಹಂಚಿಕೊಂಡರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಐಟಿಎಫ್‌ ಕಲಬುರಗಿ ಓಪನ್: ಡಬಲ್ಸ್‌ ಪ್ರಶಸ್ತಿಗೆ ಭಾರತೀಯರ ಪೈಪೋಟಿ

ಚಿನಕುರುಳಿ ಕಾರ್ಟೂನ್: ಮೇ 15 ಶುಕ್ರವಾರ 2026

ಚುರುಮುರಿ: ಬ್ರಹ್ಮಾಂಡ ಜ್ಯೋತಿಷ!

ಚಿನಕುರುಳಿ ಕಾರ್ಟೂನ್: ಮೇ 14 ಗುರುವಾರ 2026

ವಿ.ಡಿ. ಸತೀಶನ್ ಕೇರಳಂ ಸಿಎಂ, ಪಕ್ಷದ ನಿರ್ಧಾರಕ್ಕೆ ಬದ್ಧ ಎಂದ ವೇಣುಗೋಪಾಲ್

LSG ವಿರುದ್ಧದ ಪಂದ್ಯಕ್ಕೂ ಮುನ್ನ CSK ತಂಡ ಸೇರಿದ ಮೂವರು ಹೊಸ ಆಟಗಾರರು..

IPL| 50 ಕೋಟಿ ದಾಟಿದ ಟಿವಿ ವೀಕ್ಷಕರ ಸಂಖ್ಯೆ: ಡಿಜಿಟಲ್‌ನಲ್ಲಿ ಶೇ.7ರಷ್ಟು ಹೆಚ್ಚಳ

‘ವಿಶ್ವಕಪ್ ಹೀರೊ’ಗೆ ಭಾರತ ಟಿ20 ತಂಡದ ನಾಯಕತ್ವ ಕೊಡಿ ಎಂದ ರವಿಶಾಸ್ತ್ರಿ..

IPL 2026: ಚೆನ್ನೈ ಬಳಗಕ್ಕೆ ಮಹತ್ವದ ಪಂದ್ಯ

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಒಳನೋಟ: ಮೃಗಾಲಯದಲ್ಲಿ ಮೂಕರೋದನ

ಚಿನಕುರುಳಿ ಕಾರ್ಟೂನ್: ಮೇ 15 ಶುಕ್ರವಾರ 2026

ಚುರುಮುರಿ: ಬ್ರಹ್ಮಾಂಡ ಜ್ಯೋತಿಷ!

ಚಿನಕುರುಳಿ ಕಾರ್ಟೂನ್: ಮೇ 14 ಗುರುವಾರ 2026

ವಿ.ಡಿ. ಸತೀಶನ್ ಕೇರಳಂ ಸಿಎಂ, ಪಕ್ಷದ ನಿರ್ಧಾರಕ್ಕೆ ಬದ್ಧ ಎಂದ ವೇಣುಗೋಪಾಲ್