ಕಲಬುರಗಿ: ಸರ್ಕಾರಿ ಶಾಲೆ ಮಕ್ಕಳಿಗೆ ಮೊದಲ ದಿನವೇ ಸಮವಸ್ತ್ರ ನೀಡಲೂ ಸಿದ್ಧತೆ

ಕಲಬುರಗಿ: ಜಿಲ್ಲೆಯಲ್ಲಿ 2026–27ನೇ ಸಾಲಿನ ಶೈಕ್ಷಣಿಕ ತರಗತಿಗಳು ಜೂನ್ 1ರಂದು ಆರಂಭವಾಗಲಿವೆ. ಬೇಸಿಗೆ ರಜೆ ಕಳೆದು ಖುಷಿಯಿಂದ ಶಾಲೆ ಅಂಗಳಕ್ಕೆ ಕಾಲಿಡುವ ಮಕ್ಕಳಿಗೆ ಮೊದಲ ದಿನವೇ ಪಠ್ಯಪುಸ್ತಕ, ಸಮವಸ್ತ್ರ ವಿತರಿಸಲು ಶಾಲಾ ಶಿಕ್ಷಣ ಇಲಾಖೆ ಭರ್ಜರಿ ಸಿದ್ಧತೆ ಮಾಡಿಕೊಳ್ಳುತ್ತಿದೆ.

. ಶೈಕ್ಷಣಿಕ ವರ್ಷಕ್ಕೆ 1ರಿಂದ 10ನೇ ತರಗತಿಗೆ ಜಿಲ್ಲೆಯ ಸರ್ಕಾರಿ, ಅನುದಾನಿತ ಹಾಗೂ ಖಾಸಗಿ ಶಾಲೆಗಳಿಂದ ಒಟ್ಟು 47,62,100 ಪಠ್ಯಪುಸ್ತಕಗಳಿಗೆ ಬೇಡಿಕೆಗೆ ಸಲ್ಲಿಕೆಯಾಗಿದೆ. ಅದರಲ್ಲಿ ಸರ್ಕಾರಿ ಹಾಗೂ ಖಾಸಗಿ ಶಾಲೆಗಳಿಂದ 32,47,709 ಪಠ್ಯಪುಸ್ತಕಗಳು ಹಾಗೂ ಖಾಸಗಿ ಶಾಲೆಗಳಿಂದ 15,14,391 ಪಠ್ಯಪುಸ್ತಕಗಳಿಗೆ ಬೇಡಿಕೆಗೆ ಬಂದಿವೆ.

. ಸರ್ಕಾರಿ ಶಾಲೆ ಹಾಗೂ ಅನುದಾನಿತ ಶಾಲೆಗಳ ಮಕ್ಕಳಿಗೆ ರಾಜ್ಯ ಸರ್ಕಾರವೇ ಉಚಿತವಾಗಿ ಪಠ್ಯಪುಸ್ತಕ ಪೂರೈಸುತ್ತದೆ. ಅನುದಾನರಹಿತ (ಖಾಸಗಿ) ಶಾಲೆಗಳಿಗೆ ಒಂದಿಷ್ಟು ಶುಲ್ಕ ಭರಿಸಿಕೊಂಡು ಶಿಕ್ಷಣ ಇಲಾಖೆಯು ಪಠ್ಯಪುಸ್ತಕ ಒದಗಿಸುತ್ತದೆ.

. ಪ್ರಸಕ್ತ ಶೈಕ್ಷಣಿಕ ವರ್ಷ ಆರಂಭಕ್ಕೆ ಬರೀ 11 ದಿನಗಳು ಬಾಕಿ ಉಳಿದಿದ್ದು, ಮೇ 20ರ ತನಕ ಸರ್ಕಾರಿ ಹಾಗೂ ಅನುದಾನಿತ ಶಾಲೆಗಳ ಬೇಡಿಕೆಯ ಪೈಕಿ 21,52,634 ಪಠ್ಯಪುಸಕ್ತಗಳು ಪೂರೈಕೆಯಾಗಿವೆ. ಅಂದರೆ ಬೇಡಿಕೆಯ ಒಟ್ಟು ಶೇ 66.28ರಷ್ಟು ಉಚಿತ ಪಠ್ಯಪುಸ್ತಕಗಳು ವಿವಿಧ ಬಿಇಒ ಕಚೇರಿ ವ್ಯಾಪ್ತಿಗೆ ತಲುಪಿವೆ. ಖಾಸಗಿ ಶಾಲೆಗಳಿಂದ ಬಂದ ಒಟ್ಟು 15,14,391 ಪಠ್ಯಪುಸ್ತಕಗಳ ಬೇಡಿಕೆಯ ಪೈಕಿ, ಶೇ76.97ರಷ್ಟು ಅಂದರೆ, 11,65,648 ಪಠ್ಯಪುಸ್ತಕಗಳು ಈಗಾಗಲೇ ಪೂರೈಕೆಯಾಗಿವೆ.

. ಎಲ್ಲೆಲ್ಲಿ ಎಷ್ಟು ಬೇಡಿಕೆ, ಪೂರೈಕೆ?: ‘ಜಿಲ್ಲೆಯಲ್ಲಿ ಒಟ್ಟು ಎಂಟು ಶೈಕ್ಷಣಿಕ ವಲಯಗಳಿವೆ. ಸರ್ಕಾರಿ, ಅನುದಾನಿತ ಹಾಗೂ ಖಾಸಗಿ ಶಾಲೆಗಳಿಗೆ ಪಠ್ಯಪುಸ್ತಕಗಳ ವಿತರಣೆ ಬಿಇಒ ಕಚೇರಿಗಳ ಮೂಲಕ ಭರದಿಂದ ಸಾಗಿದೆ. ಕಲಬುರಗಿ ಉತ್ತರ ವಲಯದಿಂದ 9.30 ಲಕ್ಷ ಪುಸ್ತಕಗಳಿಗೆ ಬೇಡಿಕೆಯಿತ್ತು. ಅದರಲ್ಲಿ 6.71 ಲಕ್ಷ ಪಠ್ಯಪುಸ್ತಕ ವಿತರಿಸಲಾಗಿದೆ. ಕಲಬುರಗಿ ದಕ್ಷಿಣ ವಲಯದಿಂದ 7.63 ಲಕ್ಷ ಪುಸ್ತಕಗಳ ಬೇಡಿಕೆಯ ಪೈಕಿ 5.58 ಲಕ್ಷ ಪುಸಕ್ತಗಳನ್ನು ಒದಗಿಸಲಾಗಿದೆ. ಚಿತ್ತಾಪುರ ವಲಯದಿಂದ 6.64 ಲಕ್ಷ ಪಠ್ಯಪುಸ್ತಕಗಳಿಗೆ ಬೇಡಿಕೆ ಇತ್ತು. ಅದರಲ್ಲಿ 4.53 ಲಕ್ಷ ಪುಸ್ತಕ ತಲುಪಿಸಲಾಗಿದೆ. ಜೇವರ್ಗಿ ವಲಯದಿಂದ 6.09 ಲಕ್ಷ ಪಠ್ಯಪುಸ್ತಕಗಳಿಗೆ ಬೇಡಿಕೆ ವ್ಯಕ್ತವಾಗಿತ್ತು. ಅದರಲ್ಲಿ 4.08 ಲಕ್ಷ ಪುಸ್ತಕ ಒದಗಿಸಲಾಗಿದೆ’ ಎಂದು ಪಠ್ಯಪುಸ್ತಕ ವಿತರಣೆಯ ಜಿಲ್ಲಾ ನೋಡಲ್ ಅಧಿಕಾರಿ ಗುರುದೇವಿ ಚರಂತಿಮಠ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಆಳಂದ ವಲಯದಿಂದ 5.60 ಲಕ್ಷ ಪುಸ್ತಕಗಳಿಗೆ ಬೇಡಿಕೆ ಬಂದಿತ್ತು. ಅದರಲ್ಲಿ 3.81 ಲಕ್ಷ ಪುಸ್ತಕ ಪೂರೈಸಲಾಗಿದೆ. ಅಫಜಲಪುರ ವಲಯದಿಂದ 4.89 ಲಕ್ಷ ಪುಸ್ತಕಗಳಿಗೆ ಬೇಡಿಕೆ ಬಂದಿತ್ತು. ಅದರಲ್ಲಿ 3.30 ಲಕ್ಷ ಕೊಡಲಾಗಿದೆ. ಚಿಂಚೋಳಿ ವಲಯದಿಂದ 3.93 ಲಕ್ಷ ಪುಸ್ತಕಗಳಿಗೆ ಬೇಡಿಕೆ ಸಲ್ಲಿಕೆಯಾಗಿತ್ತು. ಅದರಲ್ಲಿ 2.59 ಲಕ್ಷ ಪುಸ್ತಕ ಒದಗಿಸಲಾಗಿದೆ. ಸೇಡಂ ವಲಯದಿಂದ 3.78 ಲಕ್ಷ ಪುಸ್ತಕಗಳಿಗೆ ಬೇಡಿಕೆ ಇತ್ತು. ಅದರಲ್ಲಿ 2.54 ಲಕ್ಷ ಪೂರೈಸಲಾಗಿದೆ’ ಎಂದು ಅವರು ವಿವರಿಸಿದರು.

. ಶಾಲಾ ಆರಂಭದ ಮೊದಲ ದಿನವೇ ಪಠ್ಯಪುಸ್ತಕ, ಸಮವಸ್ತ್ರ ವಿತರಿಸಲು ಕ್ರಮವಹಿಸಲಾಗಿದೆ. ಮೇ 29ರೊಳಗೆ ಜಿಲ್ಲೆಯ ಎಲ್ಲ ಶಾಲೆಗಳಿಗೂ ಪಠ್ಯಪುಸಕ್ತಗಳು ತಲುಪಲಿವೆ. ಶಂಕ್ರಮ್ಮ ಡವಳಗಿ ಡಿಡಿಪಿಐ . ಸಮವಸ್ತ್ರ ಭಾಗಶಃ ಪೂರೈಕೆ

‘ಜಿಲ್ಲೆಯಲ್ಲಿ ಪಠ್ಯಪುಸ್ತಕಗಳೊಂದಿಗೆ ಸಮವಸ್ತ್ರಗಳನ್ನೂ ಮೊದಲ ದಿನವೇ ವಿತರಿಸಲು ಕ್ರಮವಹಿಸಲಾಗಿದೆ. ಸದ್ಯ 1ರಿಂದ 10ನೇ ತರಗತಿವರೆಗಿನ ಬಾಲಕರ ಅಂಗಿಗಳು, 1ರಿಂದ 7ನೇ ತರಗತಿವರೆಗಿನ ಬಾಲಕರ ಪ್ಯಾಂಟ್–ಚಡ್ಡಿಗಳು, 1ರಿಂದ 5ನೇ ತರಗತಿವರೆಗಿನ ಬಾಲಕಿಯರ ಶರ್ಟ್ ಹಾಗೂ ಸ್ಕರ್ಟ್ಗಳು ಪೂರೈಕೆಯಾಗಿವೆ. ಇನ್ನುಳಿದ ಬಟ್ಟೆಗಳ ಪೂರೈಕೆಯು ಪ್ರಗತಿಯಲ್ಲಿದ್ದು, ಮೇ 29ರೊಳಗೆ ಎಲ್ಲವೂ ಸಮವಸ್ತ್ರ ಬಿಇಒ ಕಚೇರಿಗಳನ್ನು ತಲುಪುವ ನಿರೀಕ್ಷೆಯಿದೆ’ ಎಂದು ಶಿಕ್ಷಣ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಲಬುರಗಿ: ಸರ್ಕಾರಿ ಶಾಲೆ ಮಕ್ಕಳಿಗೆ ಮೊದಲ ದಿನವೇ ಸಮವಸ್ತ್ರ ನೀಡಲೂ ಸಿದ್ಧತೆ

ಚಿನಕುರುಳಿ ಕಾರ್ಟೂನು: ಶನಿವಾರ, ಜೂನ್ 13, 2026

ಗುಂಡಣ್ಣ ಕಾರ್ಟೂನು: ಶನಿವಾರ, ಜೂನ್ 13, 2026

ಚುರುಮುರಿ: ಉತ್ತರಕುಮಾರ ಚರಿತೆ!

ಮುಂದಿನ ಚುನಾವಣೆ ಈಗಾಗಲೇ ಗೆದ್ದಿದ್ದೇವೆ: ರಾಹುಲ್‌ ಗಾಂಧಿ

FIFA WC: ಪ್ರಮುಖ ಆಟಗಾರನಿಗೆ ವಿಸಾ ನಿರಾಕರಿಸಿದ ಕೆನಡಾ ವಿರುದ್ಧ ಗುಡುಗಿದ ಘಾನಾ

ಫಿಫಾ ವೇದಿಕೆಯಲ್ಲಿ ಶಕೀರಾ 'ದೈ ದೈ': ಈ ಹಾಡು 'ವಾಕಾ ವಾಕಾ' ದಾಖಲೆ ಮುರಿಯುವುದೇ?

ಫಿಫಾ ವಿಶ್ವಕಪ್ ಜ್ವರ: ಕೇರಳದಲ್ಲೊಂದು ತೇಲುವ ಫುಟ್‌ಬಾಲ್ ಸ್ಟೇಡಿಯಂ!

ಕೌಂಟಿ ಕ್ರಿಕೆಟ್‌ನಲ್ಲೂ ಮಿಂಚಿದ ಮಾನವ್ ಸುತಾರ್

ಒಳನೋಟ: ಜೈಲಿಗೆ ಬೇಕು ಸುಧಾರಣೆ

ಒಳನೋಟ| ಹಕ್ಕಿಲ್ಲದ ಹಕ್ಕಿಪಿಕ್ಕಿಗಳು: ಉತ್ತರ ಕರ್ನಾಟಕದಲ್ಲಿ ಇವರ ಸ್ಥಿತಿ ಶೋಚನೀಯ

ಒಳನೋಟ: ಪುರಾತತ್ವ ತಾಣ ಅನಾಥ, ಹಾಳು ಸುರಿಯುವ ಸ್ಮಾರಕಗಳು

ಒಳನೋಟ: ಆಮೆಗತಿಯಲ್ಲಿ ಸಾಗುವ ‘ಸರ್ವೆ’

ಚಿನಕುರುಳಿ ಕಾರ್ಟೂನು: ಶನಿವಾರ, ಜೂನ್ 13, 2026

ಗುಂಡಣ್ಣ ಕಾರ್ಟೂನು: ಶನಿವಾರ, ಜೂನ್ 13, 2026

ಚುರುಮುರಿ: ಉತ್ತರಕುಮಾರ ಚರಿತೆ!

ಮುಂದಿನ ಚುನಾವಣೆ ಈಗಾಗಲೇ ಗೆದ್ದಿದ್ದೇವೆ: ರಾಹುಲ್‌ ಗಾಂಧಿ