ಕಲಬುರ್ಗಿ: ‌ಸಂಪರ್ಕ ಕಡಿತ, ಹಳ್ಳದಲ್ಲಿ ಕೊಚ್ಚಿಹೋಗಿ ಎಇ ಸಿದ್ದರಾಮ ಅವಟೆ ಸಾವು

ಕಲಬುರ್ಗಿ: ಜಿಲ್ಲೆಯ ಚಿತ್ತಾಪುರ ತಾಲ್ಲೂಕಿನ ಗುಂಡಗುರ್ತಿ ಗ್ರಾಮದ ‌ಬಳಿ ಹಳ್ಳ ತುಂಬಿ ಹರಿಯುತ್ತಿದ್ದು, ತೊಗರಿ, ಬಾಳೆ ಸೇರಿದಂತೆ ‌ಅಪಾರ ಪ್ರಮಾಣದ ಬೆಳೆ ಹಾನಿಯಾಗಿದೆ.

ಹಳ್ಳದಲ್ಲಿ ಕೊಚ್ಚಿಕೊಂಡು ಹೋಗಿ ಎಇ ಸಿದ್ದರಾಮ ಅವಟೆ ಸಾವಿಗೀಡಾಗಿದ್ದಾರೆ.

ದಶಕದ ಮಹಾಮಳೆಗೆ ಜಿಲ್ಲೆ ಅಕ್ಷರಶಃ ‌ತತ್ತರಿಸಿ ಹೋಗಿದೆ. ಕಲಬುರ್ಗಿಯಿಂದ ಸೇಡಂ ಮೂಲಕ ತೆಲಂಗಾಣ ಸಂಪರ್ಕಿಸುವ ಮಳಖೇಡ ಸೇತುವೆ ಕಾಗಿಣಾ ನದಿ ಉಕ್ಕಿ ಹರಿಯುತ್ತಿರುವುದರಿಂದ ಮುಳುಗಿ ಹೋಗಿದೆ.

ಚಿತ್ತಾಪುರ ತಾಲ್ಲೂಕಿನ ದಂಡೋತಿ ಗ್ರಾಮದ ಬಳಿಯೂ ಕಾಗಿಣಾ ರೌದ್ರಾವತಾರ ತಾಳಿದ್ದು, ಜನರಲ್ಲಿ ಭೀತಿ ಮನೆ ಮಾಡಿದೆ.