ದೇವಲ ಗಾಣಗಾಪುರ; ನದಿಯಲ್ಲಿ ಕೊಚ್ಚಿಹೋದ ಯುವಕ

ಭಾನುವಾರ ಸಂಜೆ ಹೈದರಾಬಾದ್‌ನಿಂದ ಶ್ರವಣಕುಮಾರ ಗೆಳೆಯರೊಂದಿಗೆ ದೇವಲ ಗಾಣಗಾಪುರಕ್ಕೆ ಬಂದಿದ್ದರು. ಸೋಮವಾರ ನಸುಕಿನ ಜಾವ 5 ಗಂಟೆಗೆ ನದಿಯಲ್ಲಿ ಸ್ನಾನಕ್ಕಿಳಿದಾಗ ಕಾಲು ಜಾರಿ ಬಿದ್ದಿದ್ದಾರೆ.

ಸ್ನೇಹಿತರು ಗಮನಿಸಿ ತಕ್ಷಣ ಸಹಾಯಕ್ಕೆ ಅಲ್ಲಿನ ಜನರನ್ನು ಕರೆಯುವಷ್ಟರಲ್ಲಿ ಕೊಚ್ಚಿಕೊಂಡು ಹೋಗಿದ್ದಾನೆ. ಸ್ಥಳಕ್ಕೆ ಅಗ್ನಿಶಾಮಕ ಸಿಬ್ಬಂದಿ ಅಶೋಕ್ ಜಮಾದಾರ, ಮುಬಾರಕ್ ಇಂಡಿಕರ, ನಾಗಯ್ಯ ದಿಕ್ಸಂಗಿ, ರೇವಣಸಿದ್ದಯ್ಯ ಮಠಮತಿ, ಮಹಾಂತೇಶ ಜಮಾದಾರ, ಶಿವಾನಂದ ಕುಂಬಾರ, ಸದಾನಂದ ಸಿಂಪಿ, ಸಿದ್ಧಲಿಂಗ ಪತ್ತಾರ ಸೇರಿದಂತೆ ದೇವಲ ಗಾಣಗಾಪುರ ಪೋಲಿಸ್ ಸಿಬ್ಬಂದಿ ಆಗಮಿಸಿ ಕಾರ್ಯಾಚರಣೆಯಲ್ಲಿ ತೊಡಗಿದ್ದಾರೆ.