ಚಿಂಚೋಳಿಯಿಂದ ಕೊಳ್ಳೂರು ಕ್ರಾಸ್ಗೆ 10 ಕಿ.ಮೀ, ಅಲ್ಲಿಂದ ಕುಸ್ರಂಪಳ್ಳಿ 3 ಕಿ.ಮೀ ಕ್ರಮಿಸಿ ಗ್ರಾಮದಿಂದ 300ರಿಂದ 400 ಮೀಟರ್ ಉತ್ತರ ದಿಕ್ಕಿಗೆ ಮುಂದೆ ಸಾಗಿದರೆ ಬಲ ಭಾಗದ ಕಚ್ಚಾ ರಸ್ತೆಯಲ್ಲಿ ನೆಲದಲ್ಲಿ ಗುಮ್ಮಿ ಹಾಕಿರುವುದು ಕಾಣಸಿಗುತ್ತದೆ. ಗುಮ್ಮಿಯನ್ನು ದಾಟಿ 1 ಕಿ.ಮೀ ವರೆಗೆ ಬೈಕ್, ಜೀಪ್ ಹೋಗುತ್ತವೆ. ಅಲ್ಲಿಂದ ಮುಂದೆ ಯಾವುದೇ ವಾಹನ ಹೋಗುವುದಿಲ್ಲ. ಅಲ್ಲಿ ಮಣ್ಣಿನ ರಸ್ತೆಯಿದ್ದು ಕಾಲ್ನಡಿಗೆ ಅನಿವಾರ್ಯ. ಸುಮಾರು 2.5 ಕಿ.ಮೀ ಕ್ರಮಿಸಿದ ನಂತರ ರಸ್ತೆಗೆ ಅಡ್ಡಲಾಗಿ ವಿದ್ಯುತ್ ತಂತಿ ಹಾದು ಹೋಗಿದೆ. ವಿದ್ಯುತ್ ಲೈನ್ ಹೋದ ಕಡೆ ಸಾಗಿದರೆ ರಾಚನಹಳ್ಳ ನಾಲಾದಲ್ಲಿ ಮಾಣಿಕಪುರ ಜಲಪಾತ ಸಿಗುತ್ತದೆ.