ನಗರದ ಪ್ರಮುಖ ಸೂಫಿ ಸಂತ ಖಾಜಾ ಬಂದಾನವಾಜ್ ಅವರು ಕೆಲ ಬಾವಿಗಳನ್ನು ಕಟ್ಟಿಸಿದ್ದರು. ಬಹಮನಿ ಸುಲ್ತಾನರು ಜನರಿಗಾಗಿ ಭಾರಿ ಆಳವಾದ ಹಾಗೂ ಅಷ್ಟೇ ಸುಂದರವಾದ ಬಾವಿ (ಬಾವಡಿ)ಗಳನ್ನು ನಿರ್ಮಿಸಿದ್ದರು. ನಗರದಲ್ಲಿರುವ 60ಕ್ಕೂ ಅಧಿಕ ಬಾವಿಗಳ ಪೈಕಿ ಹೀರಾಪುರ, ರಾಜಾಪುರ, ತಾರಫೈಲ್, ನಯಾ ಮೊಹಲ್ಲಾ, ಕೋರಂಟಿ ಹನುಮಾನ ದೇವಸ್ಥಾನದ ಬಳಿ ಸೇರಿದಂತೆ ವಿವಿಧೆಡೆ ಇರುವ 10 ಬಾವಿಗಳಿಂದಲೇ ಅರ್ಧ ಕಲಬುರ್ಗಿ ನಗರಕ್ಕೇ ನೀರು ಪೂರೈಕೆ ಮಾಡಬಹುದಿತ್ತು ಎಂದು ನೀರಾವರಿ ತಜ್ಞರು ಅಂದಾಜು ಮಾಡಿದ್ದಾರೆ.