ಶಾಮರಾಯ ಪರೀಟ (16) ಕೊಲೆಯಾದ ಬಾಲಕ. ಸಚಿನ್ಕಿರಸಾವಳಗಿ (22) ಕೊಲೆ ಆರೋಪಿಯಾಗಿದ್ದು, ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
‘ಲುಡೊ ಆಡುವಾಗ ಶಾಮರಾಯ ಮತ್ತು ಸಚಿನ್ ನಡುವೆ ಜಗಳವಾಗಿದೆ. ಶಾಮರಾಯನ ಸಹೋದರ ಇಬ್ಬರನ್ನೂ ಸಮಾಧಾನಪಡಿಸಿ, ಮನೆಗೆ ಕಳುಹಿಸಿದರು. ಆದರೆ, ಇಷ್ಟಕ್ಕೆ ಸಮಾಧಾನಗೊಳ್ಳದ ಸಚಿನ್ ಚಾಕು ತಂದು ಶಾಮರಾಯನ ಎದೆಗೆ ಇರಿದು ಕೊಲೆ ಮಾಡಿದ. ಶಾಮರಾಯನ ಸಹೋದರ ಧರ್ಮರಾಜ ದೂರು ನೀಡಿದ್ದಾರೆ’ ಎಂದು ಅಫಜಲಪುರ ಠಾಣೆ ಪೊಲೀಸರು ತಿಳಿಸಿದ್ದಾರೆ.
