ವಿಡಿಯೊ ಗೇಮ್‌ ಆಡದಂತೆ ಬೈದ ಪಾಲಕರು: ಮನನೊಂದ ಬಾಲಕ ಆತ್ಮಹತ್ಯೆ

ನಗರದ ಬ್ರಹ್ಮಪುರ ಬಡಾವಣೆಯ ರಾಹುಲ್ ಸೊಲ್ಲಾಪುರ (15) ಆತ್ಮಹತ್ಯೆ ಮಾಡಿಕೊಂಡವ. ಕಳೆದ ಕೆಲವು ವರ್ಷಗಳಿಂದ ಮೊಬೈಲ್‌ ವಿಡಿಯೊ ಗೇಮ್‌ಗೆ ಮಾರುಹೋಗಿದ್ದ ಈತ, ದಿನದ ಬಹುಭಾಗ ಅದರಲ್ಲೇ ಕಳೆಯುತ್ತಿದ್ದ. ಇದೇ ವಿಚಾರವಾಗಿ ತಂದೆ–ತಾಯಿ ಹಲವು ಬಾರಿ ಬುದ್ಧಿವಾದ ಹೇಳಿದ್ದರು. ಗುರುವಾರ ಕೂಡ ದಿನವಿಡೀ ವಿಡಿಯೊ ಗೇಮ್‌ ಆಡುವುದರಲ್ಲೇ ಕಳೆದ. ಇದನ್ನು ಕಂಡು ಪಾಲಕರು ಗದರಿಸಿದ್ದರು.

ಇಷ್ಟಕ್ಕೆ ಬೇಸರ ಮಾಡಿಕೊಂಡ ಬಾಲಕ, ಮನೆಯಲ್ಲಿಯೇ ಫ್ಯಾನ್‌ಗೆ ಹಗ್ಗ ಹಾಕಿ ನೇಣಿಗೆ ಶರಣಾಗಿದ್ದಾನೆ. ವಿಷಯ ಬೆಳಿಗ್ಗೆ ಗೊತ್ತಾಗಿದೆ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ.

ರಾಘವೇಂದ್ರ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.