ಹೊಟ್ಟೆಪಾಡಿಗಾಗಿ ಹುಟ್ಟಿಕೊಂಡಿರುವ ಎನ್ಜಿಒಗಳ ಖಾಸಗಿ ಕೆಲಸ, ಕಾರ್ಯಗಳನ್ನು ರಾಜ್ಯದ ವಿಆರ್ಡಬ್ಲು, ಎಂಆರ್ಡಬ್ಲುಗಳ ಮೂಲಕ ಮಾಡಿಸಬಾರದು. ಕೇವಲ ಸರ್ಕಾರ ಮತ್ತು ಇಲಾಖೆಗೆ ಸಂಬಂಧಿಸಿದ ಕೆಲಸಗಳನ್ನು ಮಾಡಿಸಬೇಕು. ಯುಆರ್ಡಬ್ಲುಗಳಿಗೆ ಪಾಲಿಕೆಯಿಂದ ಶೇ 5ರ ಅನುದಾನದಲ್ಲಿ ಕಂಪ್ಯೂಟರ್ ಕೊಡಿಸಬೇಕು. ಕಾಯಂ ಆಗಿ ಕುಳಿತು ಕೆಲಸ ಮಾಡಲು ಟೇಬಲ್, ಕುರ್ಚಿ ಹಾಗೂ ಕೊಠಡಿ ವ್ಯವಸ್ಥೆ ಮಾಡಬೇಕು. ಅಂಗವಿಕಲರ ಪರವಾಗಿ ಸಾಮಾಜಿಕ ಸೇವೆ ಸಲ್ಲಿಸುವ ರಾಜ್ಯದ ಯಾವುದೇ ಎನ್ಜಿಒಗಳು ನೇರವಾಗಿ ಎಂಆರ್ಡಬ್ಲು, ಯುಆರ್ಡಬ್ಲು, ವಿಆರ್ಡಬ್ಲುಗಳಿಗೆ ರಾಜ್ಯದ ಅಂಗವಿಕಲರ ಮಾಹಿತಿ ಹಾಗೂ ದಾಖಲಾತಿಗಳನ್ನು ನೇರವಾಗಿ ಕೇಳಬಾರದು. ಇಲಾಖೆಯ ಮೂಲಕವೇ ಪಡೆದುಕೊಳ್ಳಬೇಕೆಂದು ಆದೇಶ ಹೊರಡಿಸಬೇಕು. ಕಲಬುರಗಿ ಮಹಾನಗರ ಪಾಲಿಕೆಯಲ್ಲಿ ವಾರ್ಡ್ಗೆ ಒಬ್ಬರಂತೆ ಯುಆರ್ಡಬ್ಲುಗಳನ್ನು ನೇಮಕ ಮಾಡಿಕೊಳ್ಳಲು ಆದೇಶ ಹೊರಡಿಸಬೇಕು ಎಂದು ಒತ್ತಾಯಿಸಿದರು.