ಪ್ರಸಕ್ತ ವರ್ಷದ ವಿಶೇಷಾಂಕದಲ್ಲಿ ಹಿರಿಯರು ಹಾಗೂ ಯುವ ಬರಹಗಾರರ ಕತೆ, ಕವನಗಳಿವೆ. ವಿಶೇಷಾಂಕದ ಅಂಗವಾಗಿ ಏರ್ಪಡಿಸಿದ್ದ ಸ್ಪರ್ಧೆಯಲ್ಲಿ ಗೆದ್ದವರ ಕವನಗಳಿರುವುದೂ ವಿಶೇಷ. ಯುವ ಪ್ರತಿಭೆಗಳಿಗೆ ಸ್ಫೂರ್ತಿದಾಯಕವಾಗುವ ಲೇಖನಗಗಳು, ಪ್ರಸಕ್ತ ವಿದ್ಯಮಾನ, ಹಾಸ್ಯಲೇಖನಗಳನ್ನೂ ಒಳಗೊಂಡಿದೆ. ದೇಶ ವಿಭಜನೆ ಕಾಲದ ಇತಿಹಾಸ, ವರ್ತಮಾನ, ವಿಜ್ಞಾನ ಲೋಕದಲ್ಲಿ ನಾವು ಕ್ರಮಿಸಿದ ದೂರ, ಕೃಷಿ, ಸಿನಿಮಾ.. ಹೀಗೆ ಎಲ್ಲ ಆಯಾಮ ಗಳಲ್ಲೂ ಚಿಂತನೆಗಳಿವೆ. ವಿಶೇಷವಾಗಿ ಭೀಮಾ ತೀರದ ಜನಮನ, ಜೀವನ, ಸಾಂಸ್ಕೃತಿಕ ಬದುಕಿನ ಮೇಲೆ ಬೆಳಕು ಚೆಲ್ಲುವ ಬರಹ– ಚಿತ್ರಗಳೂ ಗಮನಾರ್ಹ.ವಿಶೇಷಾಂಕ ಮಾರುಕಟ್ಟೆಯಲ್ಲಿ ಲಭ್ಯವಿದೆ.