ಸೋಮವಾರ, ಜುಲೈ 13, 2020
29 °C
ಮದ್ಯದಂಗಡಿ ಬಳಿ ಅಂತರ ಕಾಯ್ದುಕೊಳ್ಳುವ ಹೊಣೆ ಅಂಗಡಿ ಮಾಲೀಕರದ್ದು

ಕಲಬುರ್ಗಿ: ಸಡಿಲಿಕೆ ಇಂದು ನಿರ್ಧಾರ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಕಲಬುರ್ಗಿ: ‘ನಗರದಲ್ಲಿ ಲಾಕ್‌ಡೌನ್‌ ಸಡಿಲಿಕೆ ಮಾಡುವ ಬಗ್ಗೆ ಇನ್ನೂ ನಿರ್ಣಯ ಕೈಗೊಂಡಿಲ್ಲ. ಹಾಗಾಗಿ ಸಡಿಲಿಕೆ ನೀಡುವುದಿಲ್ಲ. ಸೋಮವಾರ ಜಿಲ್ಲಾಧಿಕಾರಿ ಅವರು ವಿವಿಧ ಸಂಘ ಸಂಸ್ಥೆಗಳ ಪ್ರಮುಖರೊಂದಿಗೆ, ಅಧಿಕಾರಿಗಳೊಂದಿಗೆ ಸಭೆ ನಡೆಸಿ ಸಡಿಲಿಕೆ ಮಾಡುವ ಬಗ್ಗೆ ಅಂತಿಮ ತೀರ್ಮಾನ ತೆಗೆದುಕೊಳ್ಳಲಿದ್ದಾರೆ’ ಎಂದು ಪೊಲೀಸ್‌ ಕಮಿಷನರ್‌ ಸತೀಶಕುಮಾರ್ ಎನ್. ಸ್ಪಷ್ಟಪಡಿಸಿದರು.

ಕೊರೊನಾಗೆ ಸಂಬಂಧಿಸಿದಂತೆ ರಾಜ್ಯ ಸರ್ಕಾರ ಜಿಲ್ಲೆಯನ್ನು ಕೆಂಪು ವಲಯದಿಂದ ಕಿತ್ತಳೆ ವಲಯಕ್ಕೆ ಬದಲಾಯಿಸಿದ ಕಾರಣ ‘ಪ್ರಜಾವಾಣಿ’ ಯೊಂದಿಗೆ ಮಾತನಾಡಿದ ಅವರು, ‘ಅನಗತ್ಯವಾಗಿ ವಾಹನಗಳು ಸಂಚರಿಸುವಂತಿಲ್ಲ. ಅತ್ಯವಶ್ಯಕ ಸೇವೆಯನ್ನು ಒದಗಿಸುವ ಔಷಧ ಅಂಗಡಿ, ಆಸ್ಪತ್ರೆ, ಕಿರಾಣಿ ಅಂಗಡಿ, ಕೃಷಿ, ತೋಟಗಾರಿಕೆ ಉತ್ಪನ್ನವನ್ನು ಸಾಗಿಸುವ ವಾಹನಗಳು ಹಾಗೂ ಅಧಿಕೃತ ಪಾಸ್‌ಗಳನ್ನು ಹೊಂದಿರು ವವರ ಓಡಾಟಕ್ಕೆ ತೊಂದರೆ ಇಲ್ಲ’ ಎಂದರು.‌

ಮದ್ಯದಂಗಡಿ ಮಾಲೀಕರೇ ಹೊಣೆ: ‘ರಾಜ್ಯ ಸರ್ಕಾರದ ಅದೇಶದ ಮೇರೆಗೆ ಇದೇ 4ರಂದು ಬೆಳಿಗ್ಗೆಯಿಂದ ಸಂಜೆಯವರೆಗೆ ಎಂಎಸ್‌ಐಎಲ್‌ ಮದ್ಯದಂಗಡಿಗಳನ್ನು ಆರಂಭಿಸಲಿವೆ. ಕಟ್ಟುನಿಟ್ಟಾಗಿ ದೈಹಿಕ ಅಂತರ ಕಾಪಾಡಬೇಕು. ಅಂಗಡಿಯವರೇ ಒಬ್ಬರನ್ನು ಇದಕ್ಕಾಗಿ ನಿಯೋಜಿಸಬೇಕು. ಒಬ್ಬರಿಗೊಬ್ಬರು ಅಂತರ ಕಾಪಾಡಲು ವಿಫಲವಾದರೆ ಅದಕ್ಕೆ ಅಂಗಡಿ ಮಾಲೀಕರನ್ನೇ ಹೊಣೆ ಮಾಡಿ ಅಂಗಡಿಯನ್ನು ಬಂದ್‌ ಮಾಡಿಸಲಾಗುವುದು’ ಎಂದು ಅವರು ತಿಳಿಸಿದರು.

ಅಂಗಡಿ ಎದುರು ಬ್ಯಾರಿಕೇಡ್‌: ಅಬಕಾರಿ ಇಲಾಖೆಯು ಬಾರ್‌ ಅಂಡ್‌ ರೆಸ್ಟೊರೆಂಟ್‌, ಮಾಲ್‌ಗಳಲ್ಲಿರುವ ಮದ್ಯದಂಗಡಿಗಳನ್ನು ಹೊರತುಪಡಿಸಿ ಎಂಎಸ್‌ಐಎಲ್‌ ಮಳಿಗೆಗಳಿಗೆ (ಸಿಎಲ್‌ 2 ಮತ್ತು ಸಿಎಲ್ 11ಸಿ) ಮಾತ್ರ ಮದ್ಯ ಮಾರಲು ಅನುಮತಿ ನೀಡಲಾಗಿದೆ. ಹೀಗಾಗಿ, ಎಂಎಸ್‌ಐಎಲ್‌ ಮಳಿಗೆಗಳು ಎದುರು 6 ಅಡಿಗೆ ಒಂದರಂತೆ ಬಾಕ್ಸ್‌ಗಳನ್ನು ಹಾಕಲಾಗುತಿತ್ತು. ಅಲ್ಲದೇ, ಬ್ಯಾರಿಕೇಡ್ ಅಳವಡಿಸುವ ಕಾರ್ಯವೂ ನಡೆದಿತ್ತು. ಜಿಲ್ಲೆಯಲ್ಲಿ ಒಟ್ಟು 164 ಮದ್ಯಮಾರಾಟ ಮಳಿಗೆಗಳಿವೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು