ಚಿತ್ತಾಪುರ (ಕಲಬುರಗಿ): ಧಾರಕಾರ ಮಳೆಯಿಂದಾಗಿ ತಾಲ್ಲೂಕಿನಲ್ಲಿ ಹರಿಯುವ ಕಾಗಿಣಾ ನದಿಯಲ್ಲಿ ಪ್ರವಾಹ ಉಕ್ಕಿ ಬಂದು ಬುಧವಾರ ಬೆಳಗ್ಗಿಯಿಂದ ತುಂಬಿ ಹರಿಯುತ್ತಿದೆ.
ಬೆಳಿಗ್ಗೆಯಿಂದ ನದಿಯಲ್ಲಿ ಪ್ರವಾಹ ಏರುಗತಿಯಲ್ಲಿದೆ. ನಿರಂತರ ಮಳೆಯಿಂದ ಪ್ರವಾಹ ಹೆಚ್ಚಾಗಿ ದಂಡೋತಿ ಸಮೀಪ ನದಿಗೆ ಇರುವ ಸೇತುವೆ ಮುಳುಗಡೆಯಾಗುವ ಭೀತಿ ಜನರನ್ನು ಕಾಡುತ್ತಿದೆ.
ನದಿಯ ಮೇಲ್ಭಾಗದ ಸೇಡಂ, ಚಿಂಚೋಳಿ ತಾಲ್ಲೂಕುಗಳು ಹಾಗೂ ನೆರೆಯ ರಾಜ್ಯ ತೆಲಂಗಾಣದಲ್ಲಿ ಮಳೆಯಾದರೆ ಕಾಗಿಣಾ ನದಿಗೆ ಪ್ರವಾಹ ಹೆಚ್ಚಾಗುತ್ತದೆ. ಅದೇ ರೀತಿ ಕಾಳಗಿ, ಕಮಲಾಪುರ ಮತ್ತು ಆಳಂದ ತಾಲ್ಲೂಕುಗಳಲ್ಲಿ ಮಳೆಯಾದರೂ ಬೆಣ್ಣೆತೊರಾ ನದಿಗೆ ಪ್ರವಾಹ ಬಂದು ಅದು ಮಳಖೇಡ ಸಮೀಪ ಕಾಗಿಣಾ ನದಿಗೆ ಸೇರಿಕೊಂಡು ಕಾಗಿಣಾ ತುಂಬಿ ಹರಿಯುತ್ತದೆ.
