‘ತಾಲ್ಲೂಕಿನ ಕೊಂಕನಳ್ಳಿ-ಬೀರನಳ್ಳಿ ಗ್ರಾಮಗಳ ಸೀಮೆಯಲ್ಲಿ 2025ರ ಜನವರಿ 26ರಿಂದ ಫೆಬ್ರುವರಿ 6ವರೆಗೆ 9 ದಿನಗಳ ಕಾಲ ನಡೆಯಲಿರುವ ಈ ಕಾರ್ಯಕ್ರಮ ಈ ಇತಿಹಾಸ ಸೃಷ್ಟಿಸಲಿದೆ. ಕಾರ್ಯಕ್ರಮದ ಯಶಸ್ಸಿಗೆ ವಿವಿಧ ರೀತಿಯ ತಯಾರಿಗಳು ನಡೆದಿದ್ದು, ಕಲ್ಯಾಣ ಕರ್ನಾಟಕದ 7 ಜಿಲ್ಲೆಗಳ, 48 ತಾಲ್ಲೂಕುಗಳಲ್ಲಿ ಸಂಚಾರವನ್ನು ಸ್ವಾಮೀಜಿ ಕೈಗೊಂಡು 55 ಸ್ಥಳಗಳಲ್ಲಿ ವಾಸ್ತವ್ಯ ಮಾಡಲಿದ್ದಾರೆ. ಯಾದಗಿರಿ ಜಿಲ್ಲೆಯ ಗುರಮಠಕಲ್ ತಾಲ್ಲೂಕು ಖಾಸಾ ಮಠದಿಂದ ಆಗಸ್ಟ್ 22 ರಂದು ಆರಂಭಗೊಂಡಿತು. ಯಾದಗಿರಿ, ರಾಯಚೂರು, ವಿಜಯಪುರ, ಬಳ್ಳಾರಿ, ಕೊಪ್ಪಳ, ಕಲಬುರಗಿ, ಬೀದರ್ ನಂತರ ಕಲಬುರಗಿ ಜಿಲ್ಲೆಯ ಚಿಂಚೋಳಿ, ಕಾಳಗಿ, ಚಿತ್ತಾಪುರದ ಮೂಲಕ ಸೆಪ್ಟೆಂಬರ್ 11 ರಂದು ಸೇಡಂ ತಲುಪಲಿದ್ದಾರೆ. ನಿತ್ಯ ಒಂದು ತಾಲ್ಲೂಕಿನಲ್ಲಿ ಎರಡರಿಂದ ಮೂರು ಕಡೆ ಸಭೆ ನಡೆಸಲಿದ್ದಾರೆ. ಸಭೆಯಲ್ಲಿ ವಿವಿಧ ಮಠಗಳ ಮಠಾಧೀಶರು, ಮಾತೆಯರು, ಸಾರ್ವಜನಿಕರು ಆಗಮಿಸುವಂತೆ ಮನವಿ ಮಾಡಲಿದ್ದಾರೆ’ ಎಂದು ಸಂಸ್ಥೆಯ ಸದಸ್ಯರು ಮಾಹಿತಿ ನೀಡಿದರು.
