‘ಮತಗಟ್ಟೆ ಸಂಖ್ಯೆ 180ಕ್ಕೆ ಬಂದಿದ್ದ ಮಂಜುನಾಥ, ಸಿಬ್ಬಂದಿಗೆ ಗೊತ್ತಾಗದ ಹಾಗೆ ಮೊಬೈಲ್‌ ಅನ್ನು ಒಳಗೆ ತೆಗೆದುಕೊಂಡು ಹೋಗಿದ್ದ. ತಾನು ಮತ ಹಾಕಿದ ರೀತಿಯನ್ನು ವಿಡಿಯೊ ಮಾಡುತ್ತಿದ್ದ. ತುಂಬ ಹೊತ್ತಾದರೂ ಯುವಕ ಹೊರಬಾರದ್ದನ್ನು ಕಂಡು ಅಧಿಕಾರಿಗಳು ಸ್ಥಳಕ್ಕೆ ಹೋದರು. ವಿಡಿಯೊ ಮಾಡುವುದನ್ನು ಗಮನಿಸಿ ಆತನನ್ನು ಹೊರಕ್ಕೆ ಕರೆತಂದರು. ಮತಯಂತ್ರದಿಂದ ತುಸು ದೂರ ಬಂದ ಯುವಕ ತಕ್ಷಣ ತನ್ನ ಫೇಸ್ಬುಕ್ ಹಾಗೂ ವಾಟ್ಸ್‌ಆ್ಯಪ್‌ನಲ್ಲಿ ವಿಡಿಯೊ ಹರಿಬಿಟ್ಟ. ಈ ಕಾರಣಕ್ಕೆ ಅವನ್ನು ಬಂಧಿಸಿ, ಮೊಬೈಲ್‌ ವಶಪಡಿಸಿಕೊಳ್ಳಲಾಯಿತು’ ಎಂದು ತಾಲ್ಲೂಕು ಚುನಾವಣಾ ಅಧಿಕಾರಿ ಅಪ್ಪಾಜಿ ತಿಳಿಸಿದ್ದಾರೆ.
