ಸೋಮವಾರ, ಜನವರಿ 17, 2022
18 °C

ಅಕ್ರಮ ಮರಳು ದಂಧೆ ತಡೆಗೆ ತಂಡ ರಚನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಚಿಂಚೋಳಿ: ಅಕ್ರಮ ಮರಳು ಸಾಗಣೆಗೆ ಕಡಿವಾಣ ಹಾಕಲು ತಾಲ್ಲೂಕು ಮರಳು ಉಸ್ತುವಾರಿ ಸಮಿತಿ ಅಧ್ಯಕ್ಷರಾದ ಸೇಡಂ ಉಪ ವಿಭಾಗಾಧಿಕಾರಿ ಸುರೇಖಾ ಕಿರಣಗಿ ಅಧಿಕಾರಿಗಳನ್ನು ನಿಯೋಜಿಸಿದ್ದಾರೆ.

ಡಿವೈಎಸ್‌ಪಿ, ಲೋಕೋಪಯೋಗಿ, ಜಲ ಸಂಪನ್ಮೂಲ, ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ, ತಾ.ಪಂ. ಇಒ, ಮೋಟಾರ್ ನಿರೀಕ್ಷಕರು (ಸಾರಿಗೆ ಕಚೇರಿ), ಸಹಾಯಕ ಪರಿಸರ ಅಧಿಕಾರಿ ಹಾಗೂ ಪಿಡಿಒ ಸದಸ್ಯರಾಗಿದ್ದಾರೆ ಎಂದು ಸಮಿತಿಯ ಸದಸ್ಯ ಕಾರ್ಯದರ್ಶಿ ತಹಶೀಲ್ದಾರ ಅಂಜುಮ ತಬಸ್ಸುಮ್ ತಿಳಿಸಿದ್ದಾರೆ.

ವಾರದ ಏಳು ದಿನವೂ ಗಸ್ತು ನಡೆಸಲು ವಿವಿಧ ಇಲಾಖೆಗಳ ಅಧಿಕಾರಿಗಳ ತಂಡದ ನಿಯೋಜನೆ ಮಾಡಲಾಗಿದೆ.

ಟಿಪ್ಪರ್ ಜಪ್ತಿ; ಪೊಲೀಸರ ಅಸಹಕಾರಕ್ಕೆ ಅಸಮಾಧಾನ: ಈಚೆಗೆ ಅಕ್ರಮವಾಗಿ ರಾತ್ರಿ 9.50ಕ್ಕೆ ಮರಳು ಸಾಗಿಸುತ್ತಿದ್ದ ಟಿಪ್ಪರ್ ಜಪ್ತಿ ಮಾಡಿದ ತಹಶೀಲ್ದಾರ ಅಂಜುಮ ತಬಸ್ಸುಮ ಅವರು ಚಾಲಕ ಮತ್ತು ಟಿಪ್ಪರ ಮಾಲೀಕರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.

ಉಪ ವಿಭಾಗಾಧಿಕಾರಿಗಳು ತಂಡ ರಚನೆ ಮಾಡಿದ್ದರಿಂದ ನಾನು ಮರಳು ನಿಕ್ಷೇಪ ಗುರುತಿಸಿದ ಸ್ಥಳಕ್ಕೆ ತೆರಳುವಾಗ ಟಿಪ್ಪರ್ ಎದುರಿಗೆ ಬಂದಿದೆ. ದಾಖಲೆ ಪರಿಶೀಲಿಸಿದರೆ ರಾಜಸ್ವ ಪಾವತಿಸಿದ ರಸೀದಿ ಸಮಯ ಮುಗಿದಿತ್ತು. ಸುಲೇಪೇಟ ಠಾಣೆಗೆ ದೂರು ನೀಡಿದ್ದೇನೆ. ಆದರೆ ನನಗೆ ಈ ಪ್ರಕರಣದಲ್ಲಿ ಪೊಲೀಸರು ಸೂಕ್ತ ಭದ್ರತೆ ನೀಡಿಲ್ಲ ಎಂದು ಅಂಜುಮ ತಬಸ್ಸುಮ ಬೇಸರ ವ್ಯಕ್ತಪಡಿಸಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.