ರೈಲು ಮಾರ್ಗ ಸುಗಮ: ಸಂಚಾರ ಆರಂಭ

ಮರಗುತ್ತಿ ಬಳಿ ಶನಿವಾರ, ಭಾನುವಾರ ಸುರಿದ ಮಳೆಗೆ ಸುರಂಗ ಮಾರ್ಗದ ಕಲಬುರ್ಗಿ ಕಡೆಗಿನ ಬಲಗೋಡೆ ಕುಸಿದಿತ್ತು. ಬೀದರ್‌– ಕಲಬುರ್ಗಿ ರೈಲು ಸಂಚಾರವನ್ನು ಸೋಮವಾರ ಬೆಳಿಗ್ಗೆ ಸ್ಥಗಿತಗೊಳಿಸಲಾಗಿತ್ತು.

ಸಿಬ್ಬಂದಿ ಹಳಿ ಮೇಲಿನ ಕಲ್ಲು ಮಣ್ಣು ತೆರವುಗೊಳಿಸಿ ಸದ್ಯ ಸಂಚಾರಕ್ಕೆ ಅನುವು ಮಾಡಿಕೊಟ್ಟಿದ್ದಾರೆ. ಸುರಂಗ ಮಾರ್ಗದ ಮೇಲಿನ ಕಲ್ಲಿನ ಗೋಡೆಯನ್ನು ಸಂಪೂರ್ಣ ತೆರವುಗೊಳಿಸಿ ಕಾಂಕ್ರೀಟ್‌ ಗೋಡೆ ನಿರ್ಮಿಸಲು ಮತ್ತು ಗುಡ್ಡದ ಮೇಲಿನಿಂದ ಹರಿದುವ ನೀರು ಮೇಲಿಂದಲೇ ಹೊರಹೋಗುವಂತೆ ದೊಡ್ಡ ನಾಲೆ ನಿರ್ಮಿಸಲು ಯೋಜಿಸಲಾಗಿದೆ ಎಂದು ಅವರು ತಿಳಿಸಿದರು.