ಸೋಮವಾರಪೇಟೆ: ತಾಲ್ಲೂಕಿನ ಹಿತ್ಲುಗದ್ದೆ ಗ್ರಾಮದಲ್ಲಿ ಅಕ್ರಮವಾಗಿ ಸಂಗ್ರಹಿಸಿದ್ದ ಕಳ್ಳಬಟ್ಟಿ ಮತ್ತು ಪುಳಗಂಜಿಯನ್ನು ಅಬಕಾರಿ ಇಲಾಖೆಯವರು ಮಂಗಳವಾರ ದಾಳಿ ನಡೆಸಿ ವಶಕ್ಕೆ ಪಡೆದರು.
ಗ್ರಾಮದ ತೀರ್ಥಕುಮಾರ್ ಅವರ ಮನೆಯಲ್ಲಿ ಸಂಗ್ರಹಿಸಿದ್ದ ಸುಮಾರು 45 ಲೀಟರ್ ಕಳ್ಳಬಟ್ಟಿ ಸರಾಯಿ, 180 ಲೀಟರ್ ಬೆಲ್ಲದ ಪುಳಗಂಜಿ ಮತ್ತು ಕಳ್ಳಬಟ್ಟಿ ತಯಾರಿಸಲು ಬಳಸುತ್ತಿದ್ದ ಪರಿಕರಗಳನ್ನು ವಶಕ್ಕೆ ಪಡೆದು ದೂರು ದಾಖಲಿಸಿಕೊಂಡಿದ್ದಾರೆ.
ಅಬಕಾರಿ ಇಲಾಖೆಯ ಉಪ ಅಧೀಕ್ಷಕಿ ಆರ್.ಎಂ. ಚೈತ್ರಾ, ಉಪ ನಿರೀಕ್ಷಕಿ ಕೆ.ವಿ. ಸುಮತಿ ಮಹದೇವ್, ಕಾಂತರಾಜ್ ಇದ್ದರು.
