ಹಾಸನ: ಈ ಬಾರಿ ವಿಧಾನಸಭೆ ಚುನಾವಣೆಯಲ್ಲಿ ಜಿಲ್ಲೆಯಲ್ಲಿ ಶೇ 81ರಷ್ಟು ಮತದಾನವಾಗಿದ್ದು, ಈ ಪೈಕಿ 6,944 ನೋಟಾ ಮತಗಳು ಚಲಾವಣೆಯಾಗಿದೆ. ಎಐಎಂಇಪಿ, ಸಾಮಾನ್ಯ ಜನತಾ ಪಾರ್ಟಿ, ಶಿವಸೇನಾ, ರಿಪಬ್ಲಿಕ್‌ ಪಾರ್ಟಿ, ಸ್ವತಂತ್ರ ಅಭ್ಯರ್ಥಿಗಳಿಂತ ಹೆಚ್ಚು ನೋಟಾ ಚಲಾವಣೆಯಾಗಿರುವುದು ವಿಶೇಷ.
ಸಕಲೇಶಪುರ ಕ್ಷೇತ್ರದಲ್ಲಿ ಅತಿ ಹೆಚ್ಚು 1,597 ನೋಟಾ ಚಲಾವಣೆಯಾಗಿದೆ. ನಂತರದ ಸ್ಥಾನ ಅರಕಲಗೂಡು ಕ್ಷೇತ್ರದಲ್ಲಿ 1,189 ಹಾಗೂ ಅತಿ ಕಡಿಮೆ ಹಾಸನ ಕ್ಷೇತ್ರದಲ್ಲಿ 60 ನೋಟಾ ಮತಗಳು ಬಿದ್ದಿವೆ.
ಶ್ರವಣಬೆಳಗೊಳದಲ್ಲಿ 906 ನೋಟಾ ಮತ ಹಾಕಲಾಗಿದೆ. ಈ ಕ್ಷೇತ್ರದಲ್ಲಿ ಸ್ಪರ್ಧಿಸಿದ್ದ ಎಐಎಂಇಪಿ ಅಭ್ಯರ್ಥಿ ದ್ವಾರಕೀಶ್‌ 415 ಮತಗಳು, ಸಾಮಾನ್ಯ ಜನತಾ ಪಾರ್ಟಿ ಭೋಜೇಗೌಡ 141 ಮತಗಳನ್ನು ಪಡೆದಿದ್ದಾರೆ. ಇದು ನೋಟಾಕ್ಕಿಂತಲೂ ಕಡಿಮೆ ಮತ ಗಳಿಕೆ ಆಗಿದೆ.
ಹೊಳೆನರಸೀಪುರದಲ್ಲಿ 1,007 ನೋಟಾ ಚಲಾವಣೆಯಾಗಿದೆ. ರಿಪಬ್ಲಿಕನ್‌ ಸೇನಾದ ಬಿ.ಕೆ.ನಾಗರಾಜು 936 ಮತ, ಎಐಎಂಇಪಿಯ ಅಹಮದ್‌ ಹನೀಫ್‌ 277, ಸ್ವತಂತ್ರ ಅಭ್ಯರ್ಥಿಗಳಾದ ಎ.ಮಹೇಶ್‌ 295, ಬಿ.ಎನ್‌.ಮಂಜೇಗೌಡ 604, ಎಚ್.ಡಿ.ರೇವಣ್ಣ 441 ಮತ ಪಡೆದಿದ್ದಾರೆ.
ಸಕಲೇಶಪುರದಲ್ಲಿ 1,597 ನೋಟಾ ಚಲಾವಣೆ ಆಗಿದೆ. ಎಐಎಂಇಪಿಯ ಕೆ.ಆರ್‌.ಪ್ರದೀಪ್‌ ಕುಮಾರ್‌ 1148, ಸ್ವತಂತ್ರ ಅಭ್ಯರ್ಥಿಗಳಾದ ಎಚ್.ಕೆ.ಕುಮಾರಸ್ವಾಮಿ 531, ಎಂ.ಚನ್ನಮಲ್ಲಯ್ಯ 572, ವೀರೇಶ್‌ 576 ಮತ ಪಡೆದಿದ್ದಾರೆ.
ಬೇಲೂರು ಕ್ಷೇತ್ರದಲ್ಲಿ 1106 ನೋಟಾ ಚಲಾವಣೆ ಆಗಿದೆ. ಶೀವಸೇನಾದ ಎನ್‌.ಆರ್‌.ಅರುಣ್ 675, ಭಾರತೀಯ ರಿಪಬ್ಲಿಕನ್‌ ಪಾರ್ಟಿಯ ಎಚ್.ಬಿ.ಚಂದ್ರಕಾಂತ್‌ 438, ಪಕ್ಷೇತರ ಅಭ್ಯರ್ಥಿ ಎಸ್‌.ಬಿ. ಸಂಗಮೇಶ್‌ 525 ಮತ ಪಡೆದಿದ್ದಾರೆ.
ಅರಕಲಗೂಡು 1,189 ನೋಟಾ ಚಲಾವಣೆಯಾಗಿದೆ. ಡಾ.ಬಿ.ಆರ್‌.ಅಂಬೇಡ್ಕರ್‌ ಜನತಾ ಪಾರ್ಟಿಯ ಎಚ್.ಪಿ.ಮಂಜುನಾಥ್‌ 1,035, ರಿಪಬ್ಲಿಕನ್‌ ಪಾರ್ಟಿ ಆಫ್‌ ಇಂಡಿಯಾದ ಕೆ.ಎಂ.ಲತಾ 481, ಎಐಎಂಇಪಿಯ ಎಚ್.ಟಿ.ಸತೀಶ್‌ 486 ಮತ ಪಡೆದಿದ್ದಾರೆ.
