ಗೌಡ ಮಹಿಳಾ ಒಕ್ಕೂಟದ ವತಿಯಿಂದ ‘ಆಟಿ ಹಬ್ಬ’: ಸಂಭ್ರಮದಲ್ಲಿ ಅರಳಿದ ‘ಹೊಂಬಾಳೆ’
ಮಡಿಕೇರಿ: ಕೊಡಗು ಗೌಡ ಸಮಾಜದ ಸಭಾಭವನದಲ್ಲಿ ಗೌಡ ಮಹಿಳಾ ಒಕ್ಕೂಟದ ವತಿಯಿಂದ ಭಾನುವಾರ ನಡೆದ 3ನೇ ವರ್ಷದ ‘ಆಟಿ ಹಬ್ಬ’ದಲ್ಲಿ ನೂರಾರು ಮಂದಿ ಭಾಗವಹಿಸಿ ಸಂಭ್ರಮಿಸಿದರು.
ಸಾಹಿತಿ ಕಟ್ರತನ ಲಲಿತಾ ಅಯ್ಯಣ್ಣ ಅವರು ಬರೆದ ‘ಹೊಂಬಾಳೆ’ ಪುಸ್ತಕವನ್ನು ಕೊಡಗು ಗೌಡ ಸಮಾಜಗಳ ಒಕ್ಕೂಟದ ಅಧ್ಯಕ್ಷರಾದ ಸೂರ್ತಲೆ ಸೋಮಣ್ಣ ಅವರು ಬಿಡುಗಡೆ ಮಾಡಿದರು.
ಹಲಸಿನಬೀಜದ ಪುಡಿ, ಬಾಳೆಕುಂಬೆ ಪಲ್ಯ, ಬಾಳೆಹಣ್ಣಿನ ಕಜ್ಜಾಯ, ಆಟಿಸೊಪ್ಪಿನ ಹಲ್ವಾ, ಕೂಗಲಿಟ್ಟು ಹೀಗೆ ವೈವಿಧ್ಯಮಯ ಖಾದ್ಯಗಳು ಎಲ್ಲರನ್ನೂ ಸೆಳೆದವು. ದಂಬೆಕೋಡಿ ಲೀಲಾ ಚಿಣ್ಣಪ್ಪ ಅವರು ಆಟಿ ಪಾಯಸ ಸವಿಯುವ ಮೂಲಕ ಆಹಾರ ಪ್ರದರ್ಶನ ಉದ್ಘಾಟಿಸಿದರು. ಮಹಿಳೆಯರು ರಸಪ್ರಶ್ನೆ, ಆಶುಭಾಷಣ ಸ್ಪರ್ಧೆಗಳಲ್ಲಿ ಭಾಗವಹಿಸಿ, ಸೋಬಾನೆ, ಜನಪದಗೀತೆಗಳನ್ನು ಹಾಡಿ ಸಂಭ್ರಮಿಸಿದರು.
ಗೌಡ ಮಹಿಳಾ ಒಕ್ಕೂಟದ ಅಧ್ಯಕ್ಷೆ ಎ.ಎಂ.ದಮಯಂತಿ, ಕೊಡಗು ಗೌಡ ಸಮಾಜದ ಅಧ್ಯಕ್ಷ ಪೇರಿಯನ ಜಯಾನಂದ, ಹಿರಿಯರಾದ ಇಂದ್ರಾಕ್ಷಿ ಭಾಗವಹಿಸಿದ್ದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.