ಸ್ವೆಟರ್, ಟೋಪಿ ಹಾಕಿದರೂ ಚಳಿ ಮಾಯವಾಗುತ್ತಿಲ್ಲ. ತಣ್ಣೀರು ಐಸ್ನಂತೆ ಭಾಸವಾಗುತ್ತಿದೆ. ಗ್ರಾಮೀಣ ಪ್ರದೇಶದಲ್ಲಿ ಚಳಿಯ ತೀವ್ರತೆ ಜಾಸ್ತಿಯಾಗಿದೆ. ಎಲ್ಲೆಡೆಯೂ ಥಂಡಿ... ಥಂಡಿ... ವಾತಾವರಣ. ತೀವ್ರ ಚಳಿಯಿಂದ ವಯಸ್ಕರು ಆತಂಕಕ್ಕೆ ಒಳಗಾಗಿದ್ದಾರೆ.
ಬುಧವಾರ ಕನಿಷ್ಠ ಉಷ್ಠಾಂಶ 11 ಡಿಗ್ರಿ ದಾಖಲಾಗಿತ್ತು. ಸಂಜೆಯ ವೇಳೆ ಅದು ಇನ್ನೂ ಕುಸಿದಿತ್ತು. ಜಿಲ್ಲೆಯ ಬಹುತೇಕರು ಚಳಿಗೆ ಹೆದರಿ ದ್ವಿಚಕ್ರ ವಾಹನ ಓಡಿಸುವುದನ್ನೇ ನಿಲ್ಲಿಸಿದ್ದಾರೆ. ಕೆಲವರು ಕೈಗೆ ಗ್ಲೌಸ್, ತಲೆಗೆ ಟೋಪಿ, ಸ್ವೆಟರ್, ಬೂಟ್ ಹಾಕಿಕೊಂಡೇ ಬೈಕ್ ಏರುತ್ತಿದ್ದಾರೆ. ಆದರೂ, ಚಳಿಯಿಂದ ಪಾರಾಗಲು ಸಾಧ್ಯವಾಗುತ್ತಿಲ್ಲ.