ಮತ್ತಿಗೋಡು ಸಾಕಾನೆ ಶಿಬಿರದಿಂದ ವೀರನಹೊಸಳ್ಳಿಗೆ ದಸರಾ ಗಜಪಡೆಯ ಪಯಣ ಆರಂಭ

ಆನೆಗಳೊಂದಿಗೆ ಮಾವುತರಾದ ವಸಂತ, ರಾಜು, ವಿನು, ಸೃಜನ್, ಜೆ.ಡಿ.ಮಂಜು, ಮಲ್ಲಿಕಾರ್ಜುನ, ಕಾವಾಡಿಗಳಾದ ರಾಜಣ್ಣ, ಗುಂಡ, ನಂಜುಂಡಸ್ವಾಮಿ ತೆರಳಿದರು.

ಮಾವುತರ ಕುಟುಂಬಸ್ಥರು ಆನೆಗಳನ್ನು ತೊಳೆದು ಶೃಂಗಾರ ಮಾಡಿದ್ದರು. ಆನೆಗಳು ದಸರಾ ಉತ್ಸವಕ್ಕೆ ಹೊರಡುವ ಹಿನ್ನೆಲೆಯಲ್ಲಿ ಮತ್ತಿಗೋಡು ಶಿಬಿರದಲ್ಲಿ ಸಂಭ್ರಮ ನೆಲೆಸಿತ್ತು.

ಶಿಬಿರದ ಆರ್‌ಎಫ್ಒ ಗಣರಾಜ್, ಡಿಆರ್‌ಎಫ್‌ಒ ಹಾಗೂ ಸಿಬ್ಬಂದಿ ಪಾಲ್ಗೊಂಡಿದ್ದರು. ‌

ಮೂರು ವರ್ಷದಿಂದ ಅಂಬಾರಿ ಹೊರುತ್ತಿರುವ ಅಭಿಮನ್ಯು ಈ ಬಾರಿಯೂ ಜವಾಬ್ದಾರಿ ಹೊರಲು ರಾಜ ಗಾಂಭಿರ್ಯದಿಂದ ಹೆಜ್ಜೆ ಹಾಕಿತು. ಅಭಿಮನ್ಯು ಆನೆಯ ಮಾವುತ ವಸಂತ ಆನೆಗೆ ವಿಶೇಷವಾಗಿ ಅಲಂಕಾರ ಮಾಡಿದ್ದರು.