ಲೋಕಸಭಾ ಚುನಾವಣೆ ಬಹಿಷ್ಕರಿಸಲು ನಿರ್ಧಾರ

ಇದರೊಂದಿಗೆ, ಕೊಡಗು ಮತ್ತು ಹಾಸನ ಜಿಲ್ಲಾಧಿಕಾರಿಯೊಂದಿಗೆ ಸಭೆ ನಡೆಸಲು ಮನವಿ ಮಾಡಬೇಕು, ಗಣಿಗಾರಿಕೆಗೆ ಪರವಾನಗಿ ನೀಡಿರುವುದನ್ನು ತಕ್ಷಣವೇ ಒಂದು ವಾರದಲ್ಲಿ ತಡೆಯಬೇಕು ಎಂದೂ ತೀರ್ಮಾನಿಸಲಾಯಿತು. 

ಸಭೆಯಲ್ಲಿ ಮಾತನಾಡಿದ ಹಸಿರು ಸೇನೆಯ ಅಧ್ಯಕ್ಷ ಆರ್.ಪಿ.ವೆಂಕಟೇಶ್ ಮೂರ್ತಿ, ‘ಪಶ್ಚಿಮ ಘಟ್ಟಗಳ ಅರಣ್ಯ ಮತ್ತು ಬೆಟ್ಟಗಳನ್ನು ಉಳಿಸುವ ಕಾರ್ಯಗಳಲ್ಲಿ ರೈತರು ಪ್ರಮುಖ ಪಾತ್ರ ವಹಿಸಿದ್ದಾರೆ. ಆದರೆ, ಪರವಾನಗಿ ನೀಡುವ ವೇಳೆಯಲ್ಲಿ ಇಲ್ಲಿನ ಜನರನ್ನು ವಿಶ್ವಾಸಕ್ಕೆ ಪಡೆದಿಲ್ಲ’ ಎಂದು ಬೇಸರ ವ್ಯಕ್ತಪಡಿಸಿದರು.

ಕೌಕೂಡಿ ಗ್ರಾಮದ ಕೃಷಿಕ ವಿಠ್ಠಲ್ ಮಾತನಾಡಿ, ‘ಜಿಲ್ಲಾಧಿಕಾರಿ ಅವರು ತಕ್ಷಣವೇ ಗಣಿಗಾರಿಕೆಯನ್ನು ನಿಲ್ಲಿಸಿದರೆ ಇಲ್ಲಿನ ಜನರ ಜೀವನ ಉಳಿಸಿದಂತೆ ಆಗುತ್ತದೆ’ ಎಂದರು.

ಹೋರಾಟ ಸಮಿತಿಯ ಉಸ್ತುವಾರಿ ಹೊಸೂರು ರಮೇಶ್ ಮಾತನಾಡಿ, ‘ಈಗಾಗಲೇ ಎಲ್ಲ ಮಾಹಿತಿಯನ್ನು ಜಿಲ್ಲಾಧಿಕಾರಿ ಅವರಿಗೆ, ಗಣಿಗಾರಿಕಾ ಇಲಾಖೆ ಹಾಗೂ ರಾಜ್ಯ ಸರ್ಕಾರಕ್ಕೆ ನೀಡಿದ್ದರೂ, ಇದುವರೆಗೆ ಯಾವುದೇ ಕ್ರಮಗಳನ್ನೂ ತೆಗೆದುಕೊಂಡಿಲ್ಲ. ಗಣಿಗಾರಿಕೆ ನಿಲ್ಲಿಸಲು ಕ್ರಮ ತೆಗೆದುಕೊಳ್ಳದಿದ್ದಲ್ಲಿ ಬರುವ ಲೋಕಸಭಾ ಚುನಾವಣೆಯನ್ನು ಬಹಿಷ್ಕರಿಸಲು ಇಲ್ಲಿನ ಮತದಾರರು ತೀರ್ಮಾನಿಸಲಿದ್ದಾರೆ’ ಎಂದು ಎಚ್ಚರಿಕೆ ನೀಡಿದರು.

ಸಭೆಯಲ್ಲಿ ನಿವೃತ್ತ ಪ್ರಾಧ್ಯಾಪಕ ಎಚ್.ಟಿ.ಪುಟ್ಟೇಗೌಡ, ಹೊಸೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಮಂಜುಳಾ ಮಂಜುನಾಥ, ಉಪಾಧ್ಯಕ್ಷೆ ಜಾನಕಿ, ಕಾವೇರಿ ಸೇನೆಯ ಹೊಸಬೀಡು ಶಶಿಕುಮಾರ್, ಕೂತಿ ಗ್ರಾಮದ ಅಧ್ಯಕ್ಷ ದಿವಾಕರ್, ರೈತ ಸಂಘದ ಮುಖಂಡರಾದ, ಕೆ.ಎಂ.ದಿನೇಶ್, ಎಸ್.ಎಸ್.ಬಸಪ್ಪ, ಹೊಸಕೋಟೆ ಪುಟ್ಟಸ್ವಾಮಿಗೌಡ, ಸಂತಳ್ಳಿ ತಿಮ್ಮಣ್ಣ, ಹಾಸನದ ಹಸಿರು ಸೇನೆ ಪ್ರತಿಷ್ಠಾಪನದ ಪದಾಧಿಕಾರಿಗಳಾದ ಪುರುಷೋತ್ತಮ್, ಬಾಲರಾಜ್, ಬೆಳಗಾರರ ಸಂಘದ ಅಧ್ಯಕ್ಷ ರಾಮಚಂದ್ರ,  ಭಾಗವಹಿಸಿದ್ದರು.