ಕೊಡಗು ಜಿಲ್ಲೆ: ಸಂತ್ರಸ್ತರ ಕಿಟ್‌ ಅನ್ಯರ ಪಾಲು– ಆರೋಪ

6

ಕೊಡಗು ಜಿಲ್ಲೆ: ಸಂತ್ರಸ್ತರ ಕಿಟ್‌ ಅನ್ಯರ ಪಾಲು– ಆರೋಪ

Published:
Updated:
Deccan Herald

ವಿರಾಜಪೇಟೆ: ‘ಜಿಲ್ಲೆಯ ಸಂತ್ರಸ್ತರಿಗೆ ಸರ್ಕಾರದಿಂದ ನೀಡಲಾಗುವ ಪರಿಹಾರ ಕಿಟ್‌ಗಳು ಅನ್ಯರ ಪಾಲಾಗುತ್ತಿವೆ’ ಎಂದು ದಲಿತ ಸಂಘರ್ಷ ಸಮಿತಿ ಜಿಲ್ಲಾ ಸಂಘಟನಾ ಸಂಚಾಲಕ ವಿ.ರಜನಿಕಾಂತ್‌ ಆರೋಪಿಸಿದ್ದಾರೆ.

ಈ ಕುರಿತು ಹೇಳಿಕೆ ನೀಡಿರುವ ಅವರು, ‘ಸೆ.7ರಂದು ಇಲ್ಲಿನ ಪಟ್ಟಣ ಪಂಚಾಯಿತಿಯ ಆವರಣದಲ್ಲಿ ಆಹಾರ ಮತ್ತು ನಾಗರಿಕ ಇಲಾಖೆಯ ಕಿಟ್ ವಿತರಣೆ ಸಂದರ್ಭ ಸಂತ್ರಸ್ತರಲ್ಲದ ಸಾಕಷ್ಟು ಮಂದಿ ಕಿಟ್ ಪಡೆದುಕೊಂಡಿದ್ದಾರೆ. ಇಲಾಖೆಯ ಕೆಲವು ಅಧಿಕಾರಿಗಳು ಅವೈಜ್ಞಾನಿಕ ರೀತಿ ವರದಿ ಸಿದ್ಧಪಡಿಸಿ, ಕೊಡಗಿನ ಎಲ್ಲಾ ಪರಿಹಾರ ಕೇಂದ್ರದಲ್ಲಿನ ಸಂತ್ರಸ್ತ ಕುಟುಂಬಗಳಿಗೆ ಕಿಟ್ ನೀಡುವಂತೆ ಸೂಚಿಸಿತ್ತು. ಆದರೆ ಮಳೆಯಿಂದ ಯಾವುದೇ ಸಮಸ್ಯೆ ಎದುರಿಸದ ಕೆಲವರು ಸಂತ್ರಸ್ತರ ಹೆಸರಿನಲ್ಲಿ ಕಿಟ್‌ ಪಡೆದುಕೊಳ್ಳುತ್ತಿದ್ದಾರೆ. ಸರ್ಕಾರ ಒದಗಿಸುತ್ತಿರುವ ಪರಿಹಾರ ಸಾಮಗ್ರಿಗಳು ಅನ್ಯರ ಪಾಲಾಗುತ್ತಿದ್ದು, ನೈಜ ಸಂತ್ರಸ್ತರನ್ನು ಗುರುತಿಸುವಲ್ಲಿ ಅಧಿಕಾರಿಗಳು ವಿಫಲರಾಗಿದ್ದಾರೆ’ ಎಂದು ಆರೋಪಿಸಿದ್ದಾರೆ.

‘ಇದರಿಂದಾಗಿ ಸಾರ್ವಜನಿಕರ ಹಣ ಪೋಲಾಗುತ್ತಿದೆ. ಜಿಲ್ಲೆಯ ಕಾರ್ಮಿಕ ವರ್ಗ ಕೆಲಸವಿಲ್ಲದೇ ಪರಿತಪಿಸುತ್ತಿದೆ. ಆದ್ದರಿಂದ ಪರಿಹಾರ ಕಿಟ್‌ಗಳು ಕಾರ್ಮಿಕ ವರ್ಗಕ್ಕೂ ದೊರೆಯಬೇಕು’ ಎಂದರು. ಸಂಘಟನೆಯ ಸದಸ್ಯರಾದ ವಿ.ಆರ್. ಆನಂದ್‌, ಅರ್ಜುನ್, ಲೋಕೇಶ್ ಮತ್ತು ರಮೇಶ್ ಇದ್ದರು.

 

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !