ಸಂವಿಧಾನಾತ್ಮಕ ಹುದ್ದೆಯಲ್ಲಿ ಇದ್ದು ಬಂದವರು ರಾಜಕೀಯದ ಸೋಂಕು ಇರುವ ಸಂಸ್ಥೆಗಳೊಂದಿಗೆ ನಂಟು ಇಟ್ಟುಕೊಳ್ಳಬಾರದು ಎಂಬುದು ಒಂದು ಪ್ರತೀತಿ. ಆರ್ಎಸ್ಎಸ್ ಮೇಲೆ ಅನೇಕ ಗಂಭೀರ ಆಪಾದನೆಗಳಿವೆ. ರಾಜಕೀಯದಲ್ಲೂ ಈ ಸಂಘಟನೆ ಮೂಗು ತೂರಿಸಿದೆ. ಚುನಾವಣೆಯಲ್ಲಿ ಗೆದ್ದು ಅಧಿಕಾರ ಪಡೆದ ಬಿಜೆಪಿಯ ಹೆಚ್ಚಿನ ನಾಯಕರು ಆರ್ಎಸ್ಎಸ್ ಜೊತೆಗಿನ ತಮ್ಮ ಸಂಬಂಧವನ್ನು ಎದೆತಟ್ಟಿ ಹೇಳಿಕೊಳ್ಳುತ್ತಿದ್ದಾರೆ. ಆರ್ಎಸ್
ಎಸ್ನ ಮುಂಚೂಣಿಯಲ್ಲಿರುವ ನಾಯಕರ ಮೂಲಕ ಬಿಜೆಪಿಗೆ ಆಗಾಗ ನಿರ್ದೇಶನಗಳನ್ನು ಸಹ ಕೊಡಲಾಗುತ್ತದೆ ಎಂಬುದು ಗುಟ್ಟಾಗಿ ಉಳಿದಿಲ್ಲ.