ಕೊಡವ ಸ್ವಾಯತ್ತತೆ ಕೋರಿ ಪ್ರತಿಭಟನೆ

ಇಲ್ಲಿನ ತೀನ್‌ಮೂರ್ತಿ ಭವನದ ಆವರಣದಿಂದ ಫ್ರೆಂಚ್ ರಾಯಭಾರಿ ಕಚೇರಿವರೆಗೆ ರ್‍ಯಾಲಿ ಮೂಲಕ ತೆರಳಿದ ಪ್ರತಿಭಟನಾಕಾರರು, 231 ವರ್ಷಗಳ ಹಿಂದೆ ಕೊಡವ ಬುಡಕಟ್ಟುಗಳ ಮೇಲೆ ಟಿಪ್ಪು ನಡೆಸಿದ ದೇವಟ್ಟಿಪರಂಬು ಹತ್ಯಾಕಾಂಡವು ಕೊಡವರ ಪಾಲಿಗೆ ಕರಾಳವಾದುದಾಗಿದೆ ಎಂದು ತಿಳಿಸಿದರು.

ಇಂಥ ಆಕ್ರಮಣಗಳಿಗೆ ಫ್ರೆಂಚ್‌ ಆಡಳಿತದ ಬೆಂಬಲ ಇತ್ತು. ಕೊಡವರ ಮಾರಣಹೋಮಕ್ಕೆ ಕಾರಣವಾದ ಆ ಘಟನೆಯ ಬಗ್ಗೆ ಫ್ರೆಂಚ್‌ ಆಡಳಿತ ಕ್ಷಮೆ ಯಾಚಿಸಬೇಕು ಎಂದು ಕೋರಿದ ಸಿಎನ್‌ಸಿ ಸದಸ್ಯರು ಹಾಗೂ ಕೊಡವ ಸಮುದಾಯದವರು ಫ್ರಾನ್ಸ್‌ನ ಕಾನ್ಸುಲೇಟ್ ಜನರಲ್ ಅವರಿಗೆ ಈ ಕುರಿತ ಮನವಿ ಸಲ್ಲಿಸಿದರು.

ನಂತರ ಕೊಡವ ಸ್ವಾಯತ್ತತೆಗಾಗಿ ಆಗ್ರಹಿಸಿ ಇಲ್ಲಿನ ಜಂತರ್‌ ಮಂತರ್‌ ಬಳಿ ಮೂರು ಗಂಟೆಗಳ ಕಾಲ ಪ್ರತಿಭಟನೆ ನಡೆಸಿದ ಸದಸ್ಯರು, ಈ ಕುರಿತ ಮನವಿಯನ್ನು ಪ್ರಧಾನಿ, ಕೇಂದ್ರದ ಗೃಹ ಸಚಿವರಿಗೆ ಸಲ್ಲಿಸಿದರು.

ಕೌನ್ಸಿಲ್‌ ಅಧ್ಯಕ್ಷ ಎನ್.ಯು. ನಾಚಪ್ಪ, ಕಲಿಯಂಡ ಪ್ರಕಾಶ್, ಪುಲ್ಲೇರ ಕಾಳಪ್ಪ, ಪುಲ್ಲೇರ ಸ್ವಾತಿ ಕಾಳಪ್ಪ, ಅಜಿಕುಟ್ಟೀರಾ ಲೋಕೇಶ್, ಜಮ್ಮಡ ಮೋಹನ್, ಮದ್ರೀರ ಕರುಂಬಯ್ಯ, ಚಿಮ್ಮಣಮಾಡ ರಾಜ, ಕಾಟುಮಣಿಯಂಡ ಉಮೇಶ್, ಕಾಂಡೇರ ಸುರೇಶ್, ನಂದಿನೆರವಂಡ ವಿಜು, ಚಂಗಂಡ ಚಮಿ, ಬಿ.ಎಂ. ಪಾರ್ವತಿ, ಮೇಚಂಡ ಕಿಶಾ, ಬೋಸ್ ಪಾರುವಂಗಡ, ದಿಲನ್ ಕರ್ತಾಂಡ, ಮಾಚಿಮಡ ಲವ, ಬೊಟ್ಟಂಗಡ ಜಪ್ಪು ಈ ಸಂದರ್ಭದಲ್ಲಿ ಹಾಜರಿದ್ದರು.