ಮುಸ್ತಫಾ ಅವರು ತರಕಾರಿ ಮಾರಾಟಕ್ಕೆಂದು ನೆಲ್ಯಹುದಿಕೇರಿ ಗ್ರಾಮ ಪಂಚಾಯಿತಿಯಿಂದ ಅನುಮತಿ ಪತ್ರ ಪಡೆದಿದ್ದರು. ವಾರದ ಮೂರು ದಿನ ತರಕಾರಿ ಖರೀದಿಗೆಂದು ಮಂಗಳವಾರ ರಾತ್ರಿ ಹುಣಸೂರಿಗೆ ತೆರಳಿದ್ದರು. ಬುಧವಾರ ಬೆಳಿಗ್ಗೆ 4 ಗಂಟೆಗೆ ಹುಣಸೂರಿನಿಂದ ಮಾಲ್ದಾರೆ ಮಾರ್ಗವಾಗಿ ಸಿದ್ದಾಪುರಕ್ಕೆ ಬರುತ್ತಿದ್ದಾಗ, ಮಾಲ್ದಾರೆ ತಪಾಸಣೆ ಕೇಂದ್ರದಲ್ಲಿ ಹೆಡ್‌ ಕಾನ್‌ಸ್ಟೆಬಲ್‌ ವಿಠ್ಠಲ ಪೂಜಾರಿ ಹಾಗೂ ಸಿಬ್ಬಂದಿ ಮಲ್ಲಪ್ಪ ಮಗಶೀರ್ ಅವರು ವಾಹನವನ್ನು ಪರಿಶೀಲಿಸಿದರು. ಟೊಮೆಟೊ ತುಂಬಿದ್ದ ಬಾಕ್ಸ್‌ನಲ್ಲಿ ಗೋಮಾಂಸ ಇರುವುದನ್ನು ಪತ್ತೆ ಹಚ್ಚಿದರು.
