ಕೊಡಗಿನಲ್ಲಿ ಭೂಕೂಸಿತ: ಹಾರಂಗಿ ಜಲಾಶಯ ತೆರವಿಗೆ ಆಗ್ರಹ

ಮಂಗಳವಾರ, ಜೂನ್ 18, 2019
27 °C

ಕೊಡಗಿನಲ್ಲಿ ಭೂಕೂಸಿತ: ಹಾರಂಗಿ ಜಲಾಶಯ ತೆರವಿಗೆ ಆಗ್ರಹ

Published:
Updated:
Prajavani

ಮಡಿಕೇರಿ: 2018ರಲ್ಲಿ ಕೊಡಗಿನಲ್ಲಿ ಸಂಭವಿಸಿದ ಭೂಕೂಸಿತಕ್ಕೆ ಹಾರಂಗಿ ಜಲಾಶಯವೇ ಪ್ರಮುಖ ಕಾರಣ. ಹಾರಂಗಿ ಜಲಾಶಯವನ್ನು ತುರ್ತಾಗಿ ತೆರವುಗೊಳಿಸಬೇಕು ಎಂದು ಆಗ್ರಹಿಸಿ ಕೊಡವ ನ್ಯಾಷನಲ್‌ ಕೌನ್ಸಿಲ್‌ (ಸಿಎನ್‌ಸಿ) ಸದಸ್ಯರು ಶನಿವಾರ ಜಿಲಾಧಿಕಾರಿ ಕಚೇರಿ ಎದುರು ಪ್ರತಿಭಟನೆ ನಡೆಸಿದರು. 

ಕೊಡವ ನ್ಯಾಷನಲ್ ಕೌನ್ಸಿಲ್ ಅಧ್ಯಕ್ಷ ಎನ್‌.ಯು. ನಾಚಪ್ಪ ಮಾತನಾಡಿ, ಕಳೆದ 50 ವರ್ಷಗಳಿಂದ ಗರಿಷ್ಠ ಪ್ರಮಾಣದ ನೀರನ್ನು ಹಾರಂಗಿ ಅಣೆಕಟ್ಟೆಯಲ್ಲಿ ಶೇಖರಿಸಿದಟ ಕಾರಣ ಹಿನ್ನೀರಿನಿಂದ ಭೂಗರ್ಭ ಬಿರುಕು ಬಿಟ್ಟಿದೆ. ಆದ್ದರಿಂದಲೇ ಸಾಕಷ್ಟು ಅನಾಹುತ ಸಂಭವಿಸುತ್ತಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ಈ ನೈಸರ್ಗಿಕ ವಿಪತ್ತು ಮತ್ತು ದುರಂತಕ್ಕೆ ಮೂಲ ಕಾರಣವಾದ ಹಾರಂಗಿ ಜಲಾಶಯವನ್ನು ತೆರವು ಮಾಡಬೇಕು. ವಾಸ್ತವವಾಗಿ ಮುಂಗಾರುವಿನಲ್ಲಿ ಹಾರಂಗಿ ಜಲಾಶಯದಲ್ಲಿ ಮಿತಿಮೀರಿದ ನೀರು ಶೇಖರಣೆಯಾದಾಗ ಆ ನೀರನ್ನು ನದಿಯ ಕೆಳಭಾಗಕ್ಕೆ ಕ್ರಸ್ಟ್‌ಗೇಟ್‌ ಮೂಲಕ ಹರಿಯಬಿಡಬೇಕು. ಹಾಗೆ ಮಾಡದೇ ಮೀತಿಮೀರಿದ ನೀರು ಶೇಖರಣೆಯಿಂದ ಅದರ ಭಾರ ತಾಳಲಾರದೆ ಹಿನ್ನೀರಿನ ಹೊಡೆತದಿಂದ ಎಲ್ಲೆಡೆ ವಿಕೋಪ ಸಂಭವಿಸಿದೆ ಎಂದು ಹೇಳಿದರು.

ಸಿಎನ್‌ಸಿ ಪದಾಧಿಕಾರಿಗಳಾದ ಕಲಿಯಂಡ ಪ್ರಕಾಶ್, ಕಾಂಡೇರ ಸುರೇಶ್, ಬೇಪಾಡಿಯಂಡ ದಿನು, ಚಂಬಂಡ ಜನತ್, ಕಾಟುಮಣಿಯಂಡ ಉಮೇಶ್, ನಂದಿನೆರವಂಡ ವಿಜು, ಪುದಿಯೊಕ್ಕಡ ಕಾಶಿ, ಅರೆಯಡ ಗಿರೀಶ್, ಪುಲ್ಲೇರ ಕಾಳಪ್ಪ, ಮಣವಟ್ಟೀರ ಸ್ವರೂಪ್ ಹಾಜರಿದ್ದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 1

    Happy
  • 2

    Amused
  • 0

    Sad
  • 0

    Frustrated
  • 2

    Angry

Comments:

0 comments

Write the first review for this !