ಕಾಫಿ ತೋಟಕ್ಕಾಗಿ ಮರಗಳ ಬಲಿ?

ಗುರುವಾರ , ಜೂನ್ 27, 2019
29 °C
ಮರ ಒಣಗುವಂತೆ ರಾಸಾಯನಿಕಗಳ ಬಳಕೆ; ಪರಿಸರ ನಾಶದ ಆತಂಕ

ಕಾಫಿ ತೋಟಕ್ಕಾಗಿ ಮರಗಳ ಬಲಿ?

Published:
Updated:
Prajavani

ನಾಪೋಕ್ಲು: ಜಿಲ್ಲೆಯ ನಾಪೋಕ್ಲು ಸಮೀಪದ ಪಾಲಂಗಾಲ ಗ್ರಾಮದಲ್ಲಿ ಕಾಫಿ ತೋಟದ ವಿಸ್ತರಣೆಗಾಗಿ, ಕಾಡು ಜಾತಿಯ ಬೃಹತ್‌ ಮರಗಳನ್ನು ನಿರ್ಮೂಲನೆ ಮಾಡಲಾಗುತ್ತಿದೆ ಎಂಬ ಆರೋಪ ಕೇಳಿಬಂದಿದೆ.

ವ್ಯಕ್ತಿಯೊಬ್ಬರು, ಗ್ರಾಮದಲ್ಲಿ ಕಾಫಿ ತೋಟ ಮಾಡಲು ಖರೀದಿಸಿದ್ದ ಅಂದಾಜು 50 ಎಕರೆ ಪ್ರದೇಶದಲ್ಲಿ ಮರಗಳನ್ನು ನಾಶಪಡಿಸುವ ಕೃತ್ಯ ನಿರಂತರವಾಗಿ ಸಾಗುತ್ತಿದೆ. ಮರವನ್ನು ಕತ್ತರಿಸಿ ಬೀಳಿಸದೇ, ಅವುಗಳನ್ನು ನಿಧಾನವಾಗಿ ಸಾಯಿಸುವ ಉಪಾಯ ವನ್ನು ಮಾಲೀಕರು ಹಾಗೂ ಅಲ್ಲಿನ ಕಾರ್ಮಿಕರು ಕಂಡುಕೊಂಡಿದ್ದಾರೆ ಎಂದು ಸ್ಥಳೀಯರು ಆರೋಪಿಸಿದ್ದಾರೆ. ಅವರ ಆರೋಪಕ್ಕೆ ಸಾಕ್ಷಿ ಎಂಬಂತೆ, ಹಸಿರಾಗಿದ್ದ ಹಲವು ಮರಗಳು ಒಣಗಿ ನಿಂತಿವೆ.

‘ಮರ ಕಡಿಯಲು ಅರಣ್ಯ ಇಲಾಖೆ ಅನುಮತಿ ನೀಡುವುದಿಲ್ಲ. ಹೀಗಾಗಿ, ತೋಟದ ಮಾಲೀಕರು ಮರದ ಕಾಂಡವನ್ನು ತುಸು ಕತ್ತರಿಸಿ ಅಲ್ಲಿಗೆ ರಾಸಾಯನಿಕಗಳನ್ನು ಹಾಕುತ್ತಿದ್ದಾರೆ. ಇದರಿಂದ ಮರಗಳು ನಿಧಾನವಾಗಿ ಒಣಗುತ್ತಿವೆ. ಹೀಗೆ ನೂರಾರು ಮರಗಳು ಒಣಗುತ್ತಿದ್ದರೂ ಅರಣ್ಯ ಇಲಾಖೆಯವರು ಇತ್ತ ಗಮನ ಹರಿಸಿಲ್ಲ‌’ ಎಂಬುದು ಗ್ರಾಮಸ್ಥರ ದೂರು.

ಸ್ಥಳೀಯರಿಗೆ ಮಾಹಿತಿ ಇಲ್ಲ: ಮರ ಒಣಗಿಸಲು ಯಾವ ವಿಧದ ರಾಸಾಯನಿಕ ಬಳಕೆ ಮಾಡಲಾಗುತ್ತಿದೆ ಎಂಬ ಮಾಹಿತಿ ಸ್ಥಳೀಯರಿಗೆ ಇಲ್ಲ. ಆದರೆ, ಅವರು ಹೇಳುವ ಪ್ರಕಾರ, ರಾತ್ರೋರಾತ್ರಿ ಮರಗಳಿಗೆ ಯಾರೋ ರಾಸಾಯನಿಕ ಸಿಂಪಡಿಸಿ ಅದರ ಬಾಟಲಿಗಳನ್ನು ಬಿಸಾಡದೇ ತೆಗೆದುಕೊಂಡು ಹೋಗುತ್ತಿದ್ದಾರೆ. ‘ಅರಣ್ಯ ನಾಶ ಸದ್ದಿಲ್ಲದೇ ನಡೆಯುತ್ತಿದೆ. ಸ್ಥಳೀಯರು ಹೊರಗಿನ ವ್ಯಕ್ತಿಗಳೊಂದಿಗೆ ಕೈಜೋಡಿಸಿ ಮರಗಳ ಹನನ ಮಾಡುತ್ತಿದ್ದಾರೆ’ ಎಂದು ಗ್ರಾಮದ ಮುಖಂಡರೊಬ್ಬರು ಆಕ್ರೋಶ ವ್ಯಕ್ತಪಡಿಸಿದರು. ದೂರಿದರು.

ಈ ರೀತಿ ಕಾಡು ನಾಶ ಮಾಡುತ್ತಿರುವುದದಕ್ಕಾಗಿಯೇ ಕಾಡಾನೆ ಗಳು ಕೃಷಿ ಭೂಮಿಗೆ ದಾಳಿ ಮಾಡುತ್ತಿವೆ. ಸಂಜೆಯಾಗುತ್ತಿದ್ದಂತೆ ತೋಟಗಳಿಗೆ ದಾಳಿಯಿಡುತ್ತಿದ್ದು, ಗ್ರಾಮಸ್ಥರು ಭಯಭೀತರಾಗಿದ್ದಾರೆ ಎಂದು ಗ್ರಾಮಸ್ಥರು ಅಳಲು ತೋಡಿಕೊಂಡರು.

ಮರಗಳಿಂದ ಕಾಫಿ ತೋಟಕ್ಕೆ ಪ್ರಯೋಜನ

ಕಾಡು ಮರಗಳನ್ನು ಹನನ ಮಾಡುವುದು ಸರಿಯಲ್ಲ. ಜಮೀನು ಖರೀದಿಸಿರುವ ವ್ಯಕ್ತಿ ಯಾವ ಕಾರಣಕ್ಕೆ ಈ ಕೃತ್ಯ ಮಾಡುತ್ತಿದ್ದಾರೆ ಎಂಬುದು ತಿಳಿದಿಲ್ಲ. ಮರ ಉಳಿಸಿಕೊಳ್ಳುವುದರಿಂದ ಕಾಫಿ ತೋಟಕ್ಕೂ ಹಾಗೂ ಪರಿಸರಕ್ಕೂ ಪ್ರಯೋಜನ ಎಂದು ಕಾಫಿ ಮಂಡಳಿ ಮಾಜಿ ಉಪಾಧ್ಯಕ್ಷ ಡಾ.ಸಣ್ಣುವಂಡ ಕಾವೇರಪ್ಪ ಹೇಳಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !