‘ನಂದಕಿಶನ್, ಸಮನ್ ಸಾಜಿದ್, ಸಂಶೀರ್ ಎಂಬ ಯುವಕರು ದಕ್ಷಿಣ ಕನ್ನಡ ಜಿಲ್ಲೆಯ ಬ್ಯಾಡ್ಮಿಂಟನ್ ಕ್ಲಬ್ವೊಂದರ ಸದಸ್ಯರಾಗಿದ್ದು, ಅದೇ ಕ್ಲಬ್ನ ಇಬ್ಬರು ಸದಸ್ಯೆಯರೊಂದಿಗೆ ಇಲ್ಲಿ ಪ್ರವಾಸಕ್ಕಾಗಿ ಬಂದಿದ್ದರು. ಅಬ್ಬಿ ಫಾಲ್ಸ್ ವೀಕ್ಷಿಸಿ ಮಾಂದಲ್ ಪಟ್ಟಿಗೆ ತೆರಳಿದಾಗ ಮೊದಲಿಗೆ 5 ಜನರು ವಿನಾಕಾರಣ ಯುವಕರ ಮೇಲೆ ಹಲ್ಲೆ ನಡೆಸಿದರು. ನಂತರ, ಗುಂಪೊಂದು ಸುತ್ತುವರೆಯಿತು. ಅಷ್ಟರಲ್ಲಿ ಪೊಲೀಸರು ಸ್ಥಳಕ್ಕೆ ತೆರಳುತ್ತಿದ್ದಂತೆ ಎಲ್ಲರೂ ಪರಾರಿಯಾಗಿದ್ದಾರೆ. ಹಲ್ಲೆ ನಡೆಸಿದವರ ಹುಡುಕಾಟ ನಡೆಯುತ್ತಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.