ಅಪರಿಚಿತ ವಾಹನ ಡಿಕ್ಕಿ: ದಂಪತಿ ಸಾವು

ಮಾಸ್ತಿ ಹೋಬಳಿಯ ಅಪ್ಪಯನಅಗ್ರಹಾರ ಗ್ರಾಮದ ವೆಂಕಟಗಿರಿಯಪ್ಪ ಹಾಗೂ ಅವರ ಪತ್ನಿ ಲಕ್ಷ್ಮಮ್ಮ ಮೃತಪಟ್ಟವರು.

ಅಪ್ಪಯ್ಯನಅಗ್ರಹಾರ ಗ್ರಾಮದಲ್ಲಿ ಜಲಗಾರರಾಗಿ ಸೇವೆ ಸಲ್ಲಿಸುತ್ತಿದ್ದ ವೆಂಕಟಗಿರಿಯಪ್ಪ ಅನ್ಯ ಕಾರ್ಯದ ನಿಮಿತ್ತ ದ್ವಿಚಕ್ರವಾಹನದಲ್ಲಿ ಪತ್ನಿಯೊಂದಿಗೆ ಮಾಸ್ತಿ-ತಮಿಳುನಾಡಿನ ಬೇರಿಕಿ ಮುಖ್ಯರಸ್ತೆಯಲ್ಲಿ ಹೋಗುತ್ತಿದ್ದಾಗ ಈ ಅವಘಡ ಸಂಭವಿಸಿದೆ. ಅವರು ಸ್ಥಳದಲ್ಲಿಯೇ ಮೃತಪಟ್ಟಿದ್ದು, ಆಸ್ಪತ್ರೆಗೆ ಸಾಗಿಸುವ ಮಾರ್ಗಮಧ್ಯೆ ಅವರ ಪತ್ನಿ ಮೃತಪಟ್ಟಿದ್ದಾರೆ.

ಈ ಬಗ್ಗೆ ಬೇರಿಕಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.