ಹೂಗಳಿಂದ ಮೈದುಂಬಿರುವ ಹುಣಸೆ ಮರ: ಉತ್ತಮ ಇಳುವರಿ ನಿರೀಕ್ಷೆಯಲ್ಲಿ ರೈತರು

ಬಂಗಾರಪೇಟೆ: ಈ ಬಾರಿ ತಾಲ್ಲೂಕಿನಾದ್ಯಂತ ಹುಣಸೆ ಮರಗಳು ಮೈದುಂಬಿ ಹೂವು ಬಿಟ್ಟಿದ್ದು, ಹಳ್ಳಿಗಳ ರಸ್ತೆ ಬದಿ ಹಾಗೂ ತೋಟಗಳಲ್ಲಿನ ಹುಣಸೆ ಮರಗಳು ಹೂವಿನಿಂದ ಕಂಗೊಳಿಸುತ್ತಿವೆ. ಹಾಗಾಗಿ ರೈತರು ಉತ್ತಮ ಇಳುವರಿ ನಿರೀಕ್ಷೆಯಲ್ಲಿದ್ದಾರೆ.

. ತಾಲ್ಲೂಕು ಮೂಲತಃ ಒಣ ಹವಾಮಾನ ಮತ್ತು ಕೆಂಪು ಮಿಶ್ರಿತ ಮಣ್ಣಿನ ಗುಣಲಕ್ಷಣಗಳಿಗೆ ಹೆಸರಾಗಿದೆ. ಈ ವಿಶಿಷ್ಟ ಭೌಗೋಳಿಕ ಲಕ್ಷಣಗಳು ಹುಣಸೆ ಬೆಳೆಗೆ ಹೆಚ್ಚು ಪೂರಕ. ಕಳೆದ ವರ್ಷಕ್ಕಿಂತ ಈ ಬಾರಿ ಮಳೆಯ ಹಂಚಿಕೆ ಮತ್ತು ಹವಾಮಾನದ ಏರುಪೇರುಗಳು ಹುಣಸೆ ಹೂ ಬಿಡಲು ಪೂರಕವಾಗಿ ಪರಿಣಮಿಸಿವೆ.

. ತಾಲ್ಲೂಕಿನ ಪ್ರಮುಖ ಗ್ರಾಮಗಳಾದ ಬೂದಿಕೋಟೆ, ಕಾಮಸಮುದ್ರ, ಮತ್ತು ಸುತ್ತಮುತ್ತಲಿನ ಹಳ್ಳಿಗಳಲ್ಲಿ ಪ್ರತಿಯೊಂದು ಹುಣಸೆ ಮರವೂ ಹೂವಿನಿಂದ ಕಂಗೊಳಿಸುತ್ತಿವೆ. ಗಡಿ ಭಾಗದ ರೈತರಿಗೆ ಹುಣಸೆ ಪ್ರಮುಖ ಆದಾಯದ ಮೂಲ. ಈ ಬಾರಿ ಉತ್ತಮ ಹೂವು ಬಿಟ್ಟಿದ್ದು, ಉತ್ತಮ ಬೆಲೆ ಸಿಗುವ ಭರವಸೆ ಮೂಡಿಸಿದೆ.

. ಹೂವು ಸಮೃದ್ಧವಾಗಿರುವುದರಿಂದ ಜೇನುನೊಣಗಳ ಚಟುವಟಿಕೆ ಹೆಚ್ಚಾಗಿದ್ದು, ಇದು ಪರಾಗಸ್ಪರ್ಶ ಪ್ರಕ್ರಿಯೆಗೆ ಪೂರಕವಾಗಿದೆ. ಇದರಿಂದ ಕಾಯಿ ಕಟ್ಟುವ ಪ್ರಮಾಣವೂ ಹೆಚ್ಚಾಗಲಿದೆ ಎಂಬುದು ಕೃಷಿಕರ ನಂಬಿಕೆ. ಈ ಭಾಗದ ಅನೇಕ ಕುಟುಂಬಗಳು ಹುಣಸೆ ಹಣ್ಣನ್ನು ಸುಲಿಯುವ ಮತ್ತು ಸಂಸ್ಕರಿಸುವ ಕಾಯಕವನ್ನೇ ನಂಬಿಕೊಂಡಿವೆ. ಹಳ್ಳಿಗಳಲ್ಲಿ ಹೂವು ತುಂಬಿರುವುದು ಈ ಕಾರ್ಮಿಕ ವರ್ಗದವರಲ್ಲೂ ಹೊಸ ಆಶಾವಾದ ಮೂಡಿಸಿದೆ. ಹುಣಸೆ ಹಣ್ಣು ತನ್ನ ವಿಶಿಷ್ಟ ರುಚಿ ಮತ್ತು ಬಾಳಿಕೆಗೆ ಮಾರುಕಟ್ಟೆಯಲ್ಲಿ ಹೆಚ್ಚು ಬೇಡಿಕೆ ಹೊಂದಿದೆ. ನೆರೆಯ ಆಂಧ್ರಪ್ರದೇಶ ಮತ್ತು ತಮಿಳುನಾಡು ಮಾರುಕಟ್ಟೆಗಳಿಗೂ ಇಲ್ಲಿಂದ ಹುಣಸೆ ರಫ್ತಾಗುತ್ತದೆ.

. ಕಳೆದ ಎರಡು ವರ್ಷಗಳಿಂದ ಸರಿಯಾಗಿ ಹೂವು ಹಿಡಿಯದೆ ನಷ್ಟ ಅನುಭವಿಸಿದ್ದೆವು. ಆದರೆ ಈ ಬಾರಿ ಮರಗಳು ಹೂವಿನಿಂದ ತುಂಬಿರುವುದನ್ನು ನೋಡಿದರೆ, ಕಷ್ಟಕ್ಕೆ ತಕ್ಕ ಪ್ರತಿಫಲ ಸಿಗುವ ಲಕ್ಷಣ ಕಾಣುತ್ತಿದೆ ಎಂದು ರೈತರು ಹರ್ಷ ವ್ಯಕ್ತಪಡಿಸಿದ್ದಾರೆ.

. ಇಳುವರಿ ಹೆಚ್ಚಾದಾಗ ಮಾರುಕಟ್ಟೆಯಲ್ಲಿ ಬೆಲೆ ಕುಸಿಯುವ ಸಂಭವವಿರುತ್ತದೆ. ಆದ್ದರಿಂದ ಸರ್ಕಾರ ಅಥವಾ ಮಾರುಕಟ್ಟೆ ಸಮಿತಿಗಳು ನಮಗೆ ಉತ್ತಮ ದರ ಸಿಗುವಂತೆ ನೋಡಿಕೊಳ್ಳಬೇಕೆಂಬುದು ಬೋಪ್ಪನಹಳ್ಳಿ ರೈತ ನಾರಾಯಣಪ್ಪ ಅವರ ಮಾತಾಗಿದೆ.

. ಹುಣಸೆ ಮರಗಳಿಗೆ ಹೆಚ್ಚಿನ ಆರೈಕೆ ಅಥವಾ ಬಂಡವಾಳದ ಅಗತ್ಯವಿರುವುದಿಲ್ಲ. ಪ್ರಕೃತಿ ಕೃಪೆ ತೋರಿದರೆ ಸಾಕು, ಇದು ನಮಗೆ ಬೋನಸ್ ಆದಾಯದಂತೆ ಬರುತ್ತದೆ. ಈ ಬಾರಿ ಹೂವಿನ ಪ್ರಮಾಣ ನೋಡಿದರೆ ಖಂಡಿತ ಉತ್ತಮ ಲಾಭ ಸಿಗುವ ಭರವಸೆ ಇದೆ ಎಂಬುದು ಹುಣಸೆ ಬೆಳೆಗಾರ ದೊಡ್ಡೇರಿ ರವಿ ಕುಮಾರ್ ಅವರ ಮಾತಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೂಗಳಿಂದ ಮೈದುಂಬಿರುವ ಹುಣಸೆ ಮರ: ಉತ್ತಮ ಇಳುವರಿ ನಿರೀಕ್ಷೆಯಲ್ಲಿ ರೈತರು

ಚಿನಕುರುಳಿ ಕಾರ್ಟೂನ್: ಮೇ 16 ಶನಿವಾರ 2026

ಗುಂಡಣ್ಣ ಕಾರ್ಟೂನು: ಶನಿವಾರ 16 ಮೇ 2026

ಸುದ್ದಿ ಗುದ್ದು | ತಿಂಗಳೇಶ: 2026ರ ಮೇ 16, ಶನಿವಾರ

ಚುರುಮುರಿ: ಸ್ವದೇಶಿ ವಿನಿಮಯ!

IPL 2026: KKR vs GT- ಅಲೆನ್, ರಘುವಂಶಿ ಆರ್ಭಟ; ಕೋಲ್ಕತ್ತಕ್ಕೆ ಜಯ

RCB vs PBKS: Sorry ಅಯ್ಯರ್‌, Bye Bye ಪಂಜಾಬ್‌ – RCB ಅಭಿಮಾನಿಗಳ ಜೋಶ್‌

IPL 2026: ಅಗ್ರಸ್ಥಾನದತ್ತ ಗಿಲ್ ಪಡೆ ಚಿತ್ತ

ಸ್ವದೇಶಕ್ಕೆ ಮರಳಿದ ರಚಿನ್ ರವೀಂದ್ರ

ಒಳನೋಟ: ಭೂದಾಹಕ್ಕೆ ಕೆರೆಯಂಗಳ ಆಪೋಶನ

ಒಳನೋಟ | ಗೋವಾದಂತೆ ಮಂಗಳೂರು ಬೀಚ್‌ ಪ್ರವಾಸೋದ್ಯಮಕ್ಕೂ ʼಜೀವʼ ತುಂಬಬೇಕಿದೆ..

ಒಳನೋಟ: ಬೇಕು ತಾಲ್ಲೂಕು ಆಸ್ಪತ್ರೆಗೆ ‘ಚಿಕಿತ್ಸೆ’

ಒಳನೋಟ: ಮೃಗಾಲಯದಲ್ಲಿ ಮೂಕರೋದನ

ಚಿನಕುರುಳಿ ಕಾರ್ಟೂನ್: ಮೇ 16 ಶನಿವಾರ 2026

ಗುಂಡಣ್ಣ ಕಾರ್ಟೂನು: ಶನಿವಾರ 16 ಮೇ 2026

ಸುದ್ದಿ ಗುದ್ದು | ತಿಂಗಳೇಶ: 2026ರ ಮೇ 16, ಶನಿವಾರ

ಚುರುಮುರಿ: ಸ್ವದೇಶಿ ವಿನಿಮಯ!