ಮಹಿಷಾಸುರ ಮರ್ಧಿನಿ ಪಲ್ಲಕ್ಕಿ ಉತ್ಸವ

ಸಾವಿರಾರು ಭಕ್ತರು ಆಗಮಿಸಿ ಪಲ್ಲಕ್ಕಿ ವೀಕ್ಷಿಸಿದರು. ಕಂಸಾಳೆ ನೃತ್ಯ, ನಾಯಾಂಡಿ ನೃತ್ಯ, ಆರ್ಕೆಸ್ಟ್ರಾ ಮತ್ತು ವಿವಿಧ ವಿನೋದಾವಳಿ ಕಾರ್ಯಕ್ರಮಗಳು ನಡೆದವು. ಶ್ರೀಪ್ರಸನ್ನ ಚೌಡೇಶ್ವರಿ ಯುವಕ ಬಳಗದಿಂದ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮ ಏರ್ಪಡಿಸಲಾಗಿತ್ತು.

ಗ್ರಾಮಸ್ಥರಿಂದ ಅನ್ನದಾನ, ಪಾನಕ, ಕೋಸಂಬರಿ ವಿತರಿಸಲಾಯಿತು. ದೇವಿಯವರ ಅಲಂಕಾರವು ವಿದ್ಯುತ್ ದೀಪಗಳಿಂದ ಕಂಗೊಳಿಸುತ್ತಿತ್ತು. ಆರ್ಕೆಸ್ಟ್ರಾ ಈ ಉತ್ಸವಕ್ಕೆ ಮೆರುಗು ನೀಡಿತ್ತು. ಶ್ರೀಪ್ರಸನ್ನ ಚೌಡೇಶ್ವರಿ ದೇವಿಗೆ ಮಹಾಮಂಗಳಾರತಿ, ಪ್ರಸಾದ ವಿನಿಯೋಗ ನಡೆಯಿತು. ಎಲ್ಲಾ ಪೂಜಾ ಕಾರ್ಯಕ್ರಮಗಳನ್ನು ಆಗಮಿಕರಾದ ಗುರುಪ್ರಸಾದಾಚಾರ್ ಮತ್ತು ಚಂದ್ರಮೌಳೇಶ್ವರ ನಡೆಸಿಕೊಟ್ಟರು. ಇದೇ ಸಮಾರಂಭದಲ್ಲಿ ವಾಲಿಬಾಲ್ ಮತ್ತು ಕ್ರಿಕೆಟ್ ಪಂದ್ಯಗಳಲ್ಲಿ ವಿಜೇತ ತಂಡಗಳಿಗೆ ಬಹುಮಾನ ವಿತರಿಸಲಾಯಿತು.