ತಾ.ಪಂ: ಆಡಳಿತಾಧಿಕಾರಿ ನೇಮಕ

ಕೋಲಾರ ತಾ.ಪಂ ಆಡಳಿತಾವಧಿ ಮೇ 19ರಂದು ಅಂತ್ಯಗೊಳ್ಳಲಿದ್ದು, ಹೆಚ್ಚುವರಿ ಜಿಲ್ಲಾಧಿಕಾರಿ ಸ್ನೇಹಾ ಅವರನ್ನು ಆಡಳಿತಾಧಿಕಾರಿಯಾಗಿ ನೇಮಿಸಲಾಗಿದೆ. ಅದೇ ರೀತಿ ಮಾಲೂರು ತಾ.ಪಂ ಅಧಿಕಾರಾವಧಿ ಮೇ 16ರಂದು ಮುಕ್ತಾಯವಾಗಲಿದ್ದು, ಕೃಷಿ ಇಲಾಖೆ ಜಂಟಿ ನಿರ್ದೇಶಕಿ ರೂಪಾದೇವಿ ಅವರನ್ನು ಆಡಳಿತಾಧಿಕಾರಿಯಾಗಿ ನಿಯೋಜಿಸಲಾಗಿದೆ.

ಬಂಗಾರಪೇಟೆ ತಾ.ಪಂ ಅಧಿಕಾರಾವಧಿ ಮೇ 17ಕ್ಕೆ ಕೊನೆಗೊಳ್ಳಲಿದ್ದು, ಜಿಲ್ಲಾ ಪಂಚಾಯಿತಿ ಯೋಜನಾ ನಿರ್ದೇಶಕರನ್ನು ಆಡಳಿತಾಧಿಕಾರಿಯಾಗಿ ನೇಮಿಸಲಾಗಿದೆ. ಮುಳಬಾಗಿಲು ತಾ.ಪಂ ಆಡಳಿತಾವಧಿ ಮೇ 4ಕ್ಕೆ ಅಂತ್ಯವಾಗಿದ್ದು, ಜಿಲ್ಲಾ ಪಂಚಾಯಿತಿ ಉಪ ಕಾರ್ಯದರ್ಶಿ ಸಂಜೀವಪ್ಪ ಅವರನ್ನು ಆಡಳಿತಾಧಿಕಾರಿಯಾಗಿ ನೇಮಿಸಲಾಗಿದೆ.

ಕೆಜಿಎಫ್‌ ನೂತನ ತಾ.ಪಂಗೆ ಜಿಲ್ಲಾ ಪಂಚಾಯಿತಿ ಮುಖ್ಯ ಯೋಜನಾಧಿಕಾರಿಯನ್ನು ಆಡಳಿತಾಧಿಕಾರಿಯಾಗಿ ನೇಮಿಸಲಾಗಿದೆ. ಶ್ರೀನಿವಾಸಪುರ ತಾ.ಪಂ ಆಡಳಿತಾವಧಿ ಮೇ 6ಕ್ಕೆ ಅಂತ್ಯವಾಗಲಿದ್ದು, ಕೈಗಾರಿಕೆ ಮತ್ತು ವಾಣಿಜ್ಯ ಇಲಾಖೆ ಜಂಟಿ ನಿರ್ದೇಶಕರನ್ನು ಆಡಳಿತಾಧಿಕಾರಿಯಾಗಿ ನಿಯೋಜಿಸಲಾಗಿದೆ.