ಪಟ್ಟಣದಲ್ಲಿ ನಡೆದಿರುವ ಶರಣಬಸವೇಶ್ವರ ಪುರಾಣ ಪ್ರವಚನದ ನಿಮಿತ್ತ ಬುಧವಾರ ನಡೆದ ಸಾಮೂಹಿಕ ವಿವಾಹದಲ್ಲಿ ನೂತನ ದಂಪತಿಗಳಿಗೆ ಶುಭ ಕೋರಿ ಮಾತನಾಡಿದರು.
ಮಿತ ಸಂತಾನದೊಂದಿಗೆ ಸಾಮರಸ್ಯದ, ಸುಖಕರ ಜೀವನ ನಡೆಸಿ, ಜೀವನದಲ್ಲಿ ಸಾರ್ಥಕತೆ ಮೆರೆಯಿರಿ ಎಂದವರು ಕಿವಿಮಾತು ಹೇಳಿದರು.
ಹಿರೇಮಠದ ಮರುಳಸಿದ್ದಯ್ಯಸ್ವಾಮಿ ಮಾತನಾಡಿ, ಇಂದು ʼಶರಣಬಸವೇಶ್ವರ ಹಾಗೂ ಮಹಾದೇವಮ್ಮʼರ ಪುರಾಣದ ಸಂದರ್ಭದಲ್ಲಿಯ ವಿವಾಹ ಮಹೂರ್ತದಲ್ಲಿ ನಿಮ್ಮ ದಾಂಪತ್ಯ ಜೀವನ ಆರಂಭವಾಗಿದೆ. ಯಶಸ್ವಿ, ಸುಖಕರ ಜೀವನ ನಿಮ್ಮದಾಗಲಿ ಎಂದರು.
6 ಜೋಡಿಗಳು ನೂತನ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಪುರಾಣ ಪ್ರವಚನಕಾರ ಸಿದ್ದೇಶ್ವರ ಶಾಸ್ತ್ರಿ ಹಿರೇಮಠ, ಸಂಗೀತಗಾರರಾದ ಮನೋಹರ ಪಿ. ಹಿರೇಮಠ, ಚಂದ್ರಯ್ಯಸ್ವಾಮಿ, ಪುರಾಣ ಸಮಿತಿಯ ಪ್ರಮುಖರು, ಭಕ್ತರು ಉಪಸ್ಥಿತರಿದ್ದರು.
