ಗಂಗಾವತಿ: ವಿಜಯನಗರದ ಕಾಲದ ಐತಿಹಾಸಿಕ ಸ್ಥಳವಾದ ತಾಲ್ಲೂಕಿನ ಆನೆಗೊಂದಿ ಗ್ರಾಮಕ್ಕೆ ಅಮೆರಿಕ ರಾಯಭಾರಿ ಕೆನ್ ಜಸ್ಟರ್ ಭಾನುವಾರ ಭೇಟಿ ನೀಡಿದರು.
ಐತಿಹಾಸಿಕಹಿನ್ನೆಲೆ ಹೊಂದಿರುವ ಆನೆಗೊಂದಿಯ ರಂಗನಾಥ ದೇವಸ್ಥಾನ, ಗಗನ ಮಹಲ್, ನವವೃಂದಾವನ, ಪಂಪಾಸರೋವರ, ಅಂಜನಾದ್ರಿ ಬೆಟ್ಟಕ್ಕೆ ಭೇಟಿ ನೀಡಿ, ಇತಿಹಾಸವನ್ನು ತಿಳಿದುಕೊಂಡರು.
ವಿಶ್ವದ ಐತಿಹಾಸಿಕ ಸ್ಥಳಗಳಲ್ಲಿ ಪ್ರಮುಖವಾಗಿ ಆನೆಗೊಂದಿ ಹಾಗೂ ಹಂಪಿಯನ್ನು ನೋಡಬೇಕು. ಅಲ್ಲದೆ ರಾಮಾಯಣದ ಕುರುವುಗಳನ್ನು ಇಲ್ಲಿ ಕಾಣಬಹುದು. ಇದೊಂದು ಸುಂದರ ಸ್ಥಳ. ಇದಕ್ಕೆ ಐತಿಹಾಸಿಕ ಮಹತ್ವ ಇದೆ ಅವರು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.
ಈ ಸಂದರ್ಭದಲ್ಲಿ ಆನೆಗೊಂದಿಯ ರಾಜವಂಶಸ್ಥರಾದ ಶ್ರೀಕೃಷ್ಣದೇವರಾಯಲು ಹಾಗೂ ಪೊಲೀಸ್ ಇಲಾಖೆ ಸಿಬ್ಬಂದಿ ಸೇರಿದಂತೆ ಹಲವು ಅಧಿಕಾರಿಗಳು ಇದ್ದರು.